Paromita

जनताको मत ईभीएममा बन्द छ। मतदाताहरूको समर्थन कसको पक्षमा गएको छ? गणनाअघि नै त्यसको आभास पाउन सत्तारूढ़ दलदेखि विपक्षी दलसम्म इच्छुक छन्। चुनाउको पहिलो चरण सम्पन्न भइसकेको छ। दोस्रो चरणको मतदान बाँकी छ। त्यसअघि उत्तर बङ्गालमा गणनाको काउण्टडाउन आरम्भ भइसकेको छ। सबै दलले हिसाब–किताब गर्दैछन्, अपेक्षाअनुसार मत आफ्नो पक्षमा परेको छ कि छैन भन्ने मूल्याङ्कन चलिरहेको छ। तृणमूल कङ्ग्रेस र भाजपा दुवै दलभित्र विश्लेषण आरम्भ भएको छ। यसपल्ट मतदान प्रतिशत उच्च भएकाले गणनात्मक पक्षमा अझ बढ़ी ध्यान दिनु परेको छ।जलपाइगढ़ी जिल्लाका सातवटा विधानसभा क्षेत्रमा मतदान प्रतिशत 90 प्रतिशतभन्दा अधिक पुगेको छ। अघिल्लो रेकर्ड पार गर्दै मानिसहरू बूथको लाइनमा उभिएका थिए।…

4 मईमा चुनाउको परिणाम नआउञ्जेल सबै दलका नेतृत्व र उम्मेद्वारहरू तनाउमा रहनेछन्, यो स्वाभाविक हो। तिनीहरूसितै 4 तारिखसम्म प्रभावकारी रूपमा निद्राविहीन रात बिताउन बाध्य भएका छन् सत्तारूढ़ तृणमूलका काउन्सिलरहरू पनि। कारण दलको नेतृत्वबाट मतदानअघि नै तिनीहरूलाई स्पष्ट सन्देश दिइएको थियो वार्ड जिताऊ, टिकट पाऊ। अर्थात् आफ्नै वार्डमा पराजित भए आगामी नगरपालिका चुनाउमा टिकट पाइने छैन। त्यसैले छाती ठोकेर राम्रो परिणामको दाबी गरे पनि कोचबिहारका सबै नगरपालिकाका सत्तारूढ़ काउन्सिलरहरूको मनमा चिन्ताले घर बनारहेको छ। यद्यपि सार्वजनिक रूपमा कसैले पनि यस विषयलाई स्वीकार गर्न चाहिरहेका छैनन्। एक वर्ष नबित्दै राज्यमा नगरपालिका चुनाउ हुँदैछ। कोचबिहारमा छवटा नगरपालिका छन् कोचबिहार, दिनहाटा, माथाभाङ्गा, मेखलीगञ्ज, हल्दीबाड़ी…

शीतलकुची विधानसभा क्षेत्रमा यसपल्ट 11 प्रतिशत बूथमा भाजपाले एजेण्ट दिन सकेन। त्यसकारण यस क्षेत्रमा 2024 को लोकसभा चुनाउमा तृणमूल कङ्ग्रेसले प्राप्त गरेको परिणामभन्दा पनि राम्रो परिणामको अपेक्षा गरिएको छ। यद्यपि भाजपाले भने केही अल्पसङ्ख्यक बहुल बूथहरूमा तृणमूलले आफ्ना एजेण्ट बस्न नदिएको आरोप लगाएको छ। त्यसपछि पनि यसपल्ट आफूहरू बढ़ी मतले जित्ने भाजपाको दाबी छ। यसअघि नै कुन ग्राम पञ्चायतमा कस्तो मतदान भयो भन्ने प्रारम्भिक हिसाबकिताब गरिएको छ। तृणमूल र भाजपा दुवै दलले आफू नै विजयी हुने दाबी गरिरहेका छन्।शीतलकुची विधानसभा क्षेत्रमा माथाभाङ्गा 1 ब्लकका सात र शीतलकुची ब्लकका आठ ग्राम पञ्चायत समावेश छन्। यस क्षेत्रमा जम्मा 310 वटा बूथ छन्।…

फेरि कोचबिहार पोलिटेक्निक कलेजको स्ट्रङ्ग रूमको सिसी क्यामेराको मोनिटर डिस्प्लेबारे आरोप उठेको छ। कोचबिहार दक्षिण विधानसभाका तृणमूल कङ्ग्रेसका उम्मेदवार अभिजीत डे भौमिकपछि यसपल्ट कोचबिहार उत्तरका तृणमूल उम्मेद्वार पार्थप्रतिम रायले पनि आरोप लगाएका छन्। शनिवार राति केही समयसम्म डिस्प्ले बन्द रहेको आरोप छ। पार्थप्रतिम बाबुको दाबीअनुसार शनिवार राति कोचबिहार पोलिटेक्निकको स्ट्रङ्ग रूमको सिसी क्यामेराको मोनिटर राति 12 बजीपछि सात मिनटका लागि बन्द भएको थियो। ईभीएम राखिएको स्ट्रङ्ग रूमको सुरक्षा र त्यहाँको प्रत्येक क्षणको पारदर्शिता अत्यन्त महत्त्वपूर्ण विषय हो। यहाँको सम्पूर्ण व्यवस्था चुनाउ आयोगको अधीनमा छ। तर पनि यस्तो किन भइरहेको छ भन्ने प्रश्न तिनले उठाएका छन्।कोचबिहार पोलिटेक्निकको स्ट्रङ्ग रूमको सिसी क्यामेराको…

उत्तर दिनाजपुर जिल्लाको चोपड़ाको मतदान केन्द्रमा केन्द्रीय सुरक्षा बलमाथि कुटपिट गरेको आरोप लागेको छ। घटनामा एक वृद्धा र तिनका भतिजा घाइते भएका छन्। बिहीवार उक्त घटना क्षेत्रको 162 नम्बर बुथमा भएको हो। सम्पूर्ण घटनाबारे तृणमूल कङ्ग्रेसले सामाजिक सञ्जालमा कठोर प्रतिक्रिया जनाएको छ।स्थानीय सूत्रअनुसार झरीमन नेसा नामक वृद्धा आफ्ना भतिजासित मतदान गर्न उक्त बुथमा पुगेकी थिइन्। त्यसै समयमा केन्द्रीय सुरक्षा बलका केही जवानहरूले तिनीहरूलाई भाजपालाई मतदान गर्न दबाउ दिएका आरोप छ। यसमा विरोध जनाउँदै उक्त वृद्धाले भनिन्, मतदान मेरो लोकतान्त्रिक अधिकार हो र मेरो आफ्नो इच्छाअनुसारको उम्मेद्वारलाई मतदान गर्नेछु। त्यसपछि अवस्था तनाउपूर्ण बनेको आरोप छ। केन्द्रीय सुरक्षा बलका जवानहरूले उक्त वृद्धा…

2026 विधानसभाको पहिलो चरणले सम्पूर्ण देशको ध्यान तानेको कोचबिहारले बिहीवार देशका विभिन्न भागमा मतदान चलिरहँदा मतदान दरमा सबैलाई उछिनेर राष्ट्रिय स्तरमा रेकर्ड बनायो। प्रारम्भिक तथ्याङ्कअनुसार कोचबिहारमा 96.04 प्रतिशत मतदान भएको छ जुन भारतको चुनाउ इतिहासमा एक ऐतिहासिक उपलब्धि हो।जिल्ला अधिकारी तथा जिल्ला चुनाउ अधिकारी जितिन यादवले बताएका छन् कि प्रारम्भिक जानकारीअनुसार सम्पूर्ण देशमा सबैभन्दा बढ़ी मतदान कोचबिहार जिल्लामै रेकर्ड गरिएको हो। यसअघि पनि कोचबिहारमा उच्च प्रतिशत मतदानको उदाहरण रहे पनि 96 प्रतिशतको सीमा पार गर्नु लगभग अभूतपूर्व मानिएको छ। बिहानदेखि नै मतदान केन्द्रहरूमा मतदाताहरूको लामो लाइन देखिन्थ्यो। विशेष गरी महिला र पहिलोपल्ट मतदान गर्न आएका युवा मतदाताहरूको उत्साह अत्यन्त उच्च…

लगभग हिंसामुक्त चुनाउमा उत्तर दिनाजपुरको चोपडाले उदाहरण प्रस्तुत गरेको छ। दिनभरि मतदान सम्पन्न भयो तर लगभग कतै पनि गड़बड़ी भएन। यस्तो दृश्य चोपड़ामा कहिले देखिएको थियो भन्ने कुरा स्थानीय वासिन्दाहरूलाई सम्झनै गाह्रो भएको छ।अशान्ति, झड़प, गोलीबारी र बमबाजी चोपड़ाको मतदान भन्न साथ सबैको दिमागमा यिनै कुराहरू आउँथे। उत्तर बङ्गाल मात्र होइन राज्यकै एक प्रमुख हटस्पट मानिने यो विधानसभा क्षेत्रमा यसपल्ट भने बिल्कुलै फरक दृश्य देखिएको छ। पञ्चायत होस् विधानसभा वा लोकसभा मतदान भनेपछि रगत बग्ने नै भन्ने धारणा थियो। चोपड़ाको बिहान यस्तै आशङ्का बोकेर आरम्भ भएको थियो। तर मतदानमुखी चोपड़ाको बिहान यसपल्ट एकदमै फरक रूपमा आरम्भ भयो।बिहीवार बिहानदेखि नै बूथ-बूथमा…

बिहान 6 बजीको समय। घरको काली मन्दिरमा पूजा गरी एशियाड स्वर्ण पदक विजेता स्वप्ना बर्मन पातकट्टा बीएफपी विद्यालयमा पुगिसकेकी थिइन्। तिनले हरियो रङको बङ्गालको तानेको साड़ी लगाएकी थिइन्। साथमा आमा बसनादेवी तथा दुई दाजु पवित्र बर्मन र असित बर्मन थिए। त्यति बेला 197 नम्बर बुथमा मोक पोल आरम्भ भइसकेको थियो। तिनी बारम्बार घड़ी हेर्दै थिइन्। दुई–तीनपल्ट बुथभित्र पसेर मतदानको तयारी सबै ठीकठाक छ कि छैन भनेर पनि हेरेर आइन्। त्यसपछि विद्यालयको सिँढ़ीमै बसेर पर्खिइन्। त्यतिञ्जेल राजगञ्जकी तृणमूल उम्मेद्वारको मोबाइलमा विभिन्न बुथबाट कार्यकर्ताहरूको फोन आउन थाल्यो। तिनले शान्त रूपमा तिनीहरूसित कुराकानी गरिन्। मतदान सकिञ्जेलसम्म कसैले पनि बुथ नछोड्न निर्देशन दिइन्। कुनै…