08
Sep
भ्रमणका लागि बागडोग्रा विमानस्थलबाट उडेको मुख्यमन्त्रीको हेलिकप्टर खराब मौसमका कारण कालेबुङको दुर्विनडाँडामा अवतरण गर्न नसकी पुनः उत्तरकन्यातर्फ फर्किएको छ। मुख्यमन्त्रीको उपस्थितिमा आज कालेबुङ टाउन हलमा प्रशासनिक बैठक हुने कार्यक्रम थियो। दिउँसो १२ बजे मुख्यमन्त्री कालेबुङ आइपुग्ने तय भएअनुसार जिल्ला प्रशासनका अधिकारी तथा जनप्रतिनिधिहरू टाउन हलमा उपस्थित भइसकेका थिए। बागडोग्राबाट निर्धारित समयमा हेलिकप्टर उडे पनि दुर्विनडाँडामा अवतरण गर्न नसकेपछि हेलिकप्टर पुनः उत्तरकन्याको दिशातर्फ फर्किएको बताइएको छ।
