Paromita

राज्यका विपक्षी दलका नेता शुभेन्दु अधिकारीको प्रचारमा जय बाङ्गला नारा लगाइएको तृणमूल कङ्ग्रेसविरुद्ध आरोप उठेको थियो। हुड खुल्ला गाड़ीमा क्रुद्ध शुभेन्दु अधिकारीलाई क्षुब्ध बनेर विरोध जनाउँदै गरेको देखिएको थियो। बिहीवार त्यसै जय बाङ्गला नारा असमका मुख्यमन्त्री हिमन्त विश्वशर्माले नै लगाएका थिए। आज सिलगढ़ी महकुमाको खोरीबारीको बतासीमा आयोजित भाजपाको जनसभामा मुख्य वक्ता थिए असमका मुख्यमन्त्री। आफ्नो भाषणको अन्त्यतिर तिनले भने, असममा यसपालि भाजपा सेञ्चुरी पार गर्नेछ। पश्चिम बङ्गालमा पनि डबल सेञ्चुरी पुग्नेछ। जय हिन्द, वन्दे मातरम्, जय बाङ्गला। यो जय बाङ्गला नारा सुनेर भाजपा नेता-कार्यकर्ताहरू नै स्तब्ध भए। हिमन्तको स्वरमा उक्त नारामा धेरैले साथ दिएनन्।लामो समयदेखि भाजपा पक्षले जय बाङ्गला नारा…

राजगञ्ज ब्लकमा गृह मतदान सुविधाअन्तर्गत 100 वर्षभन्दा माथिका एक ज्येष्ठ मतदाता लक्ष्मी विश्वासले घरमै बसेर मतदान गर्दै लोकतन्त्रप्रति दृढ़ प्रतिबद्धता देखाएकी छन्। निर्वाचन आयोगको एक टोली राजगञ्जको आमबारी क्षेत्रमा रहेको तिनको निवासमा पुगेको थियो र जारी विधानसभा निर्वाचन प्रक्रियाका क्रममा घरमै मतदान प्रक्रिया सम्पन्न गरायो।निर्वाचन आयोगद्वारा आरम्भ गरिएको गृह मतदान सुविधाले 85 वर्षभन्दा माथिका मतदाता तथा कम्तीमा 40 प्रतिशत अपाङ्गता भएका व्यक्तिहरूलाई घरमै बसेर मतदान गर्ने अवसर प्रदान गर्छ। निश्चित शर्तहरूअन्तर्गत केही अत्यावश्यक सेवामा संलग्न कर्मचारीहरू पनि यस सुविधाका लागि योग्य हुन्छन्। योग्य मतदाताहरूले तोकिएको फाराम प्रयोग गरी अग्रिम रूपमा आवेदन दिनुपर्ने हुन्छ। आवेदन स्वीकृत भएपछि निर्वाचन अधिकारीहरूले निर्धारित मितिमा…

विद्यार्थी राजनीतिबाट आरम्भ गरेर तिनको सम्पूर्ण राजनीतिक जीवन सिलगढ़ी केन्द्रित रह्यो। तर काउन्सिलर चुनाउबाहेक पहिलोपल्ट सिलगढ़ीमा चुनाउ लड्दैछन् गौतम देव! 1989 देखि निरन्तर सिलगढ़ी नगरपालिकाका काउन्सिलर रहेका तिनी डाबग्राम–फूलबारीबाट दुईपल्ट जितेर मन्त्री पनि बने। तैपनि आफ्नै शहर सिलगढ़ी विधानसभाको उम्मेद्वार बन्न गौतम देवलाई किन साढ़े तीन दशक लाग्यो भन्ने प्रश्नले सिलगढ़ी तताएको छ। दक्षिणपन्थी राजनीतिमा संलग्न भए पनि तिनले राजनीतिक रूपमा अशोक भट्टाचार्यलाई सम्मान गर्छन् भन्ने धेरैको मत छ। त्यसैले कुनै हेभिवेटविरुद्ध प्रतिस्पर्धा गर्न नचाहेर तिनले सधैँ सिलगढ़ी विधानसभा टारेका थिए। सन् 2021 मा ती वरिष्ठ सीपीएम नेता आफ्नै शिष्य शङ्कर घोषसित पराजित भएका थिए। त्यो बेला चुनाउको केही दिनअघि…

विधानसभा चुनाउको बिगुल बज्न साथ उत्तर बङ्गालमा राजनीतिक तापक्रम चरममा पुगेको छ। आज अलिपुरद्वारको सभा मञ्चबाट मुख्यमन्त्री तथा तृणमूल सुप्रिमो ममता ब्यानर्जीले केन्द्रको सत्तारूढ़ दल भाजपाविरुद्ध कठोर शब्दमा आक्रमण गरिन्। तिनले मत काट्ने षड़यन्त्र रोक्न साथै भाजपालाई राजनीतिक रूपले विनाश गर्नुपर्ने आह्वान गरिन्।भाजपा मत विभाजन गर्ने षड़यन्त्रमा लागेको आज अलिपुरद्वारको जनसभाबाट ममता ब्यानर्जीले आरोप लगाइन्। मतदाताहरूप्रति तिनले भनिन्, मत काट्ने षड़यन्त्रविरुद्ध उभिनुहोस्। यस जिल्लाको भूमिमा भाजपालाई राजनीतिक रूपले समाप्त पार्नुहोस्। उत्तर बङ्गालको भूमिमा उभिएर तिनले स्पष्ट सङ्केत दिइन् कि आगामी चुनाउमा घासफूल शिविर एक इञ्च जमीन पनि भाजपालाई छोड्न तयार छैन।भाजपाविरुद्ध मतदातालाई प्रभावित पार्ने आरोप लगाउँदै मुख्यमन्त्रीले भनिन्, के गरेका…

प्रचारका लागि केही दिन मात्र बाँकी रहेको समय मतिगढ़ा–नक्सलबारी विधानसभा क्षेत्रका कङ्ग्रेस उम्मेद्वार अमिताभ सरकारले आफ्नो चुनाउ सम्पर्क अभियानलाई तीव्र बनाएका छन्। बिहीवार तिनले नक्सलबारीका रथ खोला र टुकरिया मोड़ क्षेत्रमा प्रचार गरे। अभियानका क्रममा तिनले तृणमूलका एक पञ्चायत सदस्यलाई अभिवादन गर्दै गरेको पनि देखियो।अमिताभ सरकारले भने, म मत माग्दै सम्पूर्ण निर्वाचन क्षेत्रमा जनतासित भेटघाट गरिरहेको छु। पोस्टल मतपत्र मतदान पहिले नै कठोर निगरानीबीच आरम्भ भइसकेको छ। तिनले थपे, कङ्ग्रेस राज्यका सबै 294 आसनमा प्रतिस्पर्धा गर्ने एक मात्र पार्टी हो साथै विपक्षीहरू उक्त क्षेत्रमा कङ्ग्रेसको उपस्थितिबाट डराइरहेको छ।भाजपा अनि तृणमूलले यस क्षेत्रमा प्रचारका लागि प्रधानमन्त्री र मुख्यमन्त्रीसहित शीर्ष नेताहरू परिचालन…

बङ्गालको पछिल्लो स्थितिबारे केन्द्रीय एजेन्सीहरूको अत्यधिक सक्रियता र राजनीतिक दबाउको विषयमा मुख्यमन्त्री ममता ब्यानर्जीले कठोर प्रतिक्रिया जनाएकी छन्। बिहीवार माथाभाङ्गाको घोक्साडाङ्गा छोटो शिमुलगुड़ी मैदानमा आयोजित जनसभाबाट मुख्यमन्त्रीले प्रतिक्रिया दिँदै विपक्षी खेमाका राष्ट्रिय स्तरका नेताहरू तिनीसित सम्पर्कमा रहेका बताइन्। मुख्यमन्त्रीले भनिन्, उद्धव ठाकरे, अखिलेश यादव, एमके स्टालिन र तेजस्वी यादवले मसित कुराकानी गरिरहेका छन्। देशका विभिन्न क्षेत्रका नेताहरूले बङ्गालमा भाजपाले कसरी अत्याचार गरिरहेको छ भनेर बुझेका छन्।आजको सभाबाट मुख्यमन्त्रीले लोकसभामा प्रस्तुत गरिएको महिला आरक्षण विधेयक र डिलिमिटेशनको विषयमा कठोर आलोचना गरिन्। तिनले प्रश्न उठाइन्, किन महिला आरक्षण विधेयकसित डिलिमिटेशनलाई जोड़िँदैछ? यसको पछाड़ि गहिरो षड़यन्त्र रहेको मुख्यमन्त्रीले सिधै आरोप लगाइन्। दाबी गर्दै…

चुनाउमा अशान्ति रोक्न कालेबुङ जिल्ला प्रशासनले कठोर कदम चालेको छ। अघिल्लो चुनाउमा हिंसाग्रस्त क्षेत्रहरू पहिचान गरेर यसपल्ट कालेबुङ जिल्ला प्रशासनले कठोर सुरक्षा अभियान आरम्भ गरेको छ। राज्यका मुख्य सचिव दुश्यन्त नारियाला तथा सीईओ मनोज कुमार अग्रवालको निर्देशनअनुसार विधानसभा चुनाउलाई भयमुक्त र निष्पक्ष बनाउन कालेबुङका जिल्ला शासक कुहुक भूषण, पुलिस अधीक्षक अपराजिता राई र सीएपीएफको–अर्डिनेटरको उच्च स्तरीय टोलीले जिल्लाका अति संवेदनशील मतदान केन्द्रहरूको स्थलगत निरीक्षण गरेका छन्।मुख्यतः हिंसाविरुद्ध जिरो टलरेन्स नीति अपनाइएको कालेबुङ जिल्ला प्रशासनले जनाएको छ। अघिल्लो चुनाउमा जहाँ जहाँ अशान्ति भएको थियो ती बूथहरूमा शान्ति कायम राख्न कठोर सुरक्षा रणनीति अपनाइएको छ। मतदाताको सुरक्षालाई सुनिश्चित गर्न विशेष जोड़ दिइएको…