North-East - Purbottar Nepali

23 Apr

भारतको राजधानी दिल्लीमा अक्सिजनको हाहाकार : गयो २५ बिरामीको ज्यान

Editor0 CommentsNorth-East

दिल्लीको गंगाराम अस्पतालमा पर्याप्त अक्सिजन आपूर्ति नहुँदा गएको २४ घण्टामा पच्चीस सिकिस्त बिरामीको ज्यान गएको छ । अस्पतालका मेडिकल डाइरेक्टरले सामाजिक सञ्जालमा दुई घण्टाका लागि अक्सिजन रहेको र ६० जना बिरामीको ज्यान खतरामा रहेको भन्दै ‘एसओसएस’ सन्देशमार्फत् सहयोगका लागि याचना गरेको सञ्चारमाध्यमहरुले जनाएका छन् । त्यसको केही घण्टामै अक्सिजनका ट्याकंरहरु अस्पताल पुगेका थिए । जसले गर्दा थप बिरामीको ज्यान जान पाएन । अस्पतालमा पाँच सयभन्दा बढी कोरोना संक्रमित उपचाररत रहेको र त्यसमध्ये १४० जनाभन्दा बढीलाई अक्सिजन दिइएको स्थानीय सञ्चारमाध्यमहरुले जनाएका छन् । अक्सिजन आपूर्तिपछि ठूलो खतरा टरेको भए पनि राति आपूर्ति भएको अक्सिजन धेरै समयका लागि नपुग्ने बताइएको छ । त्यसैगरी दिल्लीकै अर्को अस्पताल म्याक्सले…

23 Apr

भारतको बलिउडका चर्चित सङ्गीतकार श्रवण राथौडको कोरोना सङ्क्रमणबाट मृत्यु भएको छ

Editor0 CommentsNorth-East

बिहीबार राति ६६ वर्षीय श्रवणको मुम्बईस्थित रहेजा अस्पतालमा मृत्यु भएको हो ।केही दिन अघि कोरोनाभाइरसबाट सङ्क्रमित हुनुभएका श्रवणको स्वास्थ्य अवस्थामा सुधार नभएपछि मुम्बईस्थित रहेजा अस्पतालमा भर्ना गरिएको थियो । भारतीय अखबार इन्डियन एक्सप्रेसको अनलाइन संस्करणले श्रवणको गए राति अस्पतालमा उपचारकै क्रममा निधन भएको उल्लेख गरेको छ ।सन् १९९० को दशकमा ‘साजन’, ‘सडक’, ‘आशिकी’, ‘दिवाना’, ‘दिल है की मानता नहिं’, ‘राजा हिन्दूस्तानी’ लगायतका दर्जनौं फिल्ममा सङ्गीतको लय भरेका नदीम श्रवणको जोडीलाई भारतीय सङ्गीतलाई नयाँ उचाइमा पुर्याएको श्रेय जान्छ ।

23 Apr

भारतमा कोरोना भाइरसको सङ्क्रमण झनै तीब्र बनेको देखिएको छ

Editor0 CommentsNorth-East

यहाँका स्वास्थ्य क्षेत्रका अधिकारीहरुले दिएका समाचारहरुमा यो संक्रमणका कारण यहाँ मृत्यु हुने र नयाँ सङ्क्रमणको दरमा नयाँ रेकर्ड देखिएको छ । शुक्रबार बिहान सार्वजनिक गरिएको एक तथ्याङ्कमा यहाँ गएको २४ घन्टा यतामात्र थप ३ लाख ३२ हजारभन्दा बढी नागरिक यसका सङ्क्रमित भेटिएका छन् । यो सङ्ख्या भारतमा अहिलेसम्ममा एकै दिन देखिएको सङ्क्रमणको सबैभन्दा ठूलो सङ्ख्या भएको बताइएको छ । त्यसैगरी यहाँ गएको २४ घन्टा यता २ हजार २६३ जनाको ज्यान गएको छ । यसरी कोरोना भाइरसको सङ्क्रमणकै कारण भारतमा २४ घन्टामा भएको यो मृत्यु सबैभन्दा बढी हो ।यसरी भारतमा अहिलेसम्ममा यो सङ्क्रमणबाट १ करोड ६२ लाखभन्दा बढी व्यक्ति सङ्क्रमित हुन…

23 Apr

साङ्घाईको एक कारखानामा बिहीबार को आगलागीमा आठको मृत्यु

Editor0 CommentsNorth-East

साङ्घाईमा एक कारखानामा बिहीबार लागेको आगलागीमा परी दुईजना अग्नि नियन्त्रकसहित आठ व्यक्तिको मृत्यु भएको स्थानीय अधिकारीहरुले शुक्रबार पुष्टि गरेका छन् । विशेषगरी इलेक्ट्रोनिक सामान उत्पादन गर्ने यस कारखानामा स्थानीय समयानुसार बिहीबार दिउँसो एक बजेर ३० मिनेटपछि आगलागी शुरु भएको बताइएको छ ।स्थानीय समयानुसार शुक्रबार बिहान छ बजेर २० मिनेट जाँदा आगो निभाएको जिल्ला सरकारको सूचना कार्यालयले जनाएको छ । यस आगलागीमा परेर ज्यान गुमाएका आठ व्यक्तिको शव भेटिएको बताइएको छ । वरपरको वातावरण र पानी प्रदूषित नभएको प्रारम्भिक छानबिनले सुझाव समितिले बताएको जनाइएको छ ।

23 Apr

कोरोनाभाइरसको सङ्क्रमण बढिरहेको भारतमा निर्वाचन आयोगले चुनावी र्याली र सभा आयोजना गर्न रोक लगाएको छ

Editor0 CommentsNorth-East

पछिल्ला हप्ताहरूमा कोरोनाभाइरसको सङ्क्रमण ह्वात्तै बढ्नुमा कतिपय राज्यहरूमा भइरहेका भिडभाडपूर्ण चुनावी अभियानलाई समेत जिम्मेवार ठानिएका यस अवस्थामा निर्वाचन आयोगले प्रतिबन्धात्मक कदम चालेको हो ।भारतका राज्यहरूमा यो वर्ष शृङ्गलाबद्ध चुनाव हुँदैछ । निर्वाचन आयोगले चुनावी अभियानका क्रममा कैयौँ पार्टी र उम्मेदवारहरूले स्वास्थ्य सुरक्षाका मापदण्ड पालना नगरेको जनाएको छ ।देश सङ्क्रमणको कठोर मारमा परेका देखिएका बेला भइरहेका त्यस्ता गतिविधिलाई लिएर प्रधानमन्त्रीको समेत चर्को आलोचना भइरहेको छ ।

23 Apr

प्यालेस्टाइनको आम निर्वाचनलाई सहयोग गर्न अपिल गर्नुभएको छ

Editor0 CommentsNorth-East

संयुक्त राष्ट्रसङ्घीय सुरक्षा परिषदको भर्चुअल बैठकलाई सम्बोधन गर्दै उहाँले सो अपिल गर्नुभएको हो ।उहाँले भन्नुभएको छ– संयुक्त राष्ट्रसंघले यो अपिल गर्दछ कि प्यालेस्टाइनमा समावेशी रुपमा हुने निर्वाचनले आगामी दिनमा यहाँको प्रजातान्त्रिक सरकारको पुनस्र्थापना गर्नेछ, त्यसैले सबैले सहयोग गर्नु आवश्यक छ ।१५ वर्षपछि निर्वाचन हुन लागेको र जुन निर्वाचन एक महत्वपूर्ण र प्रजातन्त्रका लागि ऐतिहासिक निर्वाचन हुनेछ उहाँले भन्नुभएको छ । मे २२ का लागि आम निर्वाचनको घोषणा गरिएको छ । सो निर्वाचनका लागि तयारी भइरहेको बताइएको छ ।यो आमनिर्वाचनले वेष्ट ब्यांक र गाजालाई पनि एकताबद्ध गर्ने काममा सघाउने तथा यस कार्यका लागि बाटो खोल्ने अपेक्षा गरिएको पनि विश्वास लिइएको छ…

22 Apr

जापानका प्रधानमन्त्री चार दिने संयुक्तराज्य अमेरिका भ्रमणका लागि प्रस्थान गर्नुभएको छ

Editor0 CommentsNorth-East

अमेरिकी नवनिर्वाचित राष्ट्रपति जो बाइडेनसँग प्रत्यक्ष भेटवार्ता गर्ने सुगा पहिलो सरकार प्रमुख हुनुहुन्छ ।प्रधानमन्त्री सुगाले ट्रम्प कार्यकालमा धरमराएको परम्परागत अमेरिकी गठबन्धनलाई पुनजीर्वित तुल्याउन तथा चीन मामिलामा साझा धारणा निर्माण गर्न मुख्य रुपमा बाइडेनसँग छलफल गर्नुहुनेछ ।अमेरिकी वरिष्ठ दुई अधिकारीहरुले गत मार्च महिनामा जापानको भ्रमण गरेपछि प्रधानमन्त्री सुगाले अमेरिका भ्रमण गर्न लाग्नुभएको हो । बाइडेनसँग सुगाको भेटवार्ता शुक्रबार हुनेछ ।दुई देशबीचको कूटनीतिक गतिविधिको मुख्य विषयवस्तु प्रस्ट छः बेइजिङको सैनिक सुदृढीकरण र मानव अधिकारका मामिलामा अमेरिकी गठबन्धन एकताबद्ध रहेको सङ्केत गर्नु ।जापानी विदेश नीति इन्स्टिच्युटका अध्यक्ष कुनिहिको मियाकेले प्रधानमन्त्री सुगाको भ्रमणलाई पूर्वी एसिया मामिलामा संयुक्तराज्य अमेरिकाले उच्च प्राथमिकता दिएको छ भन्ने सङ्केतका…

22 Apr

भारतीय कम्युनिष्ट पार्टी(मा)का महासचिब सीताराम यचुरीका छोराको कोरोना सङ्क्रमणबाट मृत्यु भएको छ

Editor0 CommentsNorth-East

पेशाले पत्रकार रहनुभएका ३४ वर्षीय आशिष यचुरीको मेदान्त अस्पतालमा उपचारको क्रममा निधन भएको हो ।सीताराम यचुरीले सामाजिक सञ्जाल ट्वीटरमा छोराको देहान्तको पुष्टि गर्नुभएको छ । उहाँलाई उपचारका लागि दुई सातादेखि मेदान्त अस्पतालमा भर्ना गरिएको थियो । चेन्नईस्थित एशियन कलेज अफ जर्नालिज्मबाट पत्रकारिता अध्ययन गर्नुभएका आशिष पुणे प्रस्थान गर्नुअघि टाइम्स अफ इन्डियाको दिल्ली संस्करणमा समेत आबद्ध हुनुभएको थियो ।

22 Apr

भारतमा पछिल्लो चौबीस घण्टामा विश्वमा एकैदिनमा थपिएका सबैभन्दा बढी सङ्क्रमित पहिचान गरिएको छ

Editor0 CommentsNorth-East

भारतमा पछिल्लो चौबीस घण्टामा तीन लाखभन्दा बढी सङ्क्रमितको पुष्टि भएको छ ।भारतीय सञ्चारमाध्यमका अनुसार पछिल्लो चौबीस घण्टामा तीन लाख १४ हजार ८३५ जनामा भाइरसको सङ्क्रमणको पुष्टि भएको हो । यसअघि चौबीस घण्टामा थपिने सङ्क्रमित विश्वमै सबैभन्दा बढी संयुक्त राज्य अमेरिकामा गत जनवरीमा दुई लाख ९७ हजार ४३० जना सङ्क्रमित दर्ता गरिएको थियो । सोही अवधिमा भारतमा दुई हजार १०४ जना सङ्क्रमितको मृत्युको पुष्टि भएको छ । भारतमा हालसम्म एक करोड ५९ लाख ३० हजार ९६५ जना सङ्क्रमित भएका छन् । २२ लाख ९१ हजार ४२८ जनामा भाइरसको सङ्क्रमण सक्रिय रहेको छ ।पछिल्लो चौबीस घण्टामा एक लाख ७८ हजार ८४१ जना…

22 Apr

पाकिस्तानी होटलमा बुधबार राती भएको बम विस्फोट परी कम्तीमा चारजना मारिएका छन्

Editor0 CommentsNorth-East

होटेल सेरेनाको कार पार्किङ गर्ने इलाकामा उक्त आक्रमण भएको थियो । पाकिस्तानस्थित चिनियाँ राजदूतलक्षित गरी सो आक्रमण गरिएको आशङ्का गरिएको छ ।चिनियाँ राजदूत अफगानिस्तानको सिमानानजिक रहेको बलुचिस्तान प्रान्तको राजधानी क्वेटाको सेरेना होटलमा बस्नुभएको थियो । तर विस्फोटका बेला उहाँ घटना क्षेत्रमा नरहनुभएको बताइएको छ । पाकिस्तानको क्वेटा शहरमा अवस्थित होटल सेरेना उच्च अधिकारीको रोजाइमा रहेको होटलको रुपमा रहेको बताइएको छ ।पाकिस्तानी तालिबान लडाकूँ समूह यस आक्रमणको जिम्मेवारी लिएका छन् । उक्त समूह र अन्य लडाकू सङ्गठनहरुले पछिल्ला महिनाहरुमा अफगानिस्तानसँगको सिमाना नजिकका आदिवासी क्षेत्रहरूमा आक्रमण बढाएका छन् । बलुचिस्तान लामो समयदेखि पृथकतावादी विद्रोह चलिरहेको प्रान्त हो । लडाकूहरूले पाकिस्तानबाट स्वतन्त्र गराउन…