North-East - Purbottar Nepali

18 Feb

म्यान्मारका सडकमा गाडी तेर्स्याएर प्रदर्शन

Editor0 CommentsNorth-East

म्यान्मारका लोकतन्त्र पक्षधर प्रदर्शनकारीहरूले यांगुनको सडकमा गाडी तेर्साएर सैनिक ‘कु’ को विरोध गरेका छन् । यांगुनमा बुधबार गरिएको प्रदर्शन फेब्रुअरी १ मा सेनाले सत्ता कब्जा गरेयताकै सबैभन्दा ठूलो भएको आयोजकहरूले बताएका छन् । बुधबारका प्रदर्शनमा दसौं हजार मानिस भेला भएका थिए । प्रदर्शनकारीले म्यान्मारकी लोकतन्त्रवादी नेतृ आङ सान सुचीसहित सैनिक नियन्त्रणमा रहेका सबै नेताहरूलाई मुक्त गर्न माग गरेका छन् । बुधबारको प्रदर्शनले म्यान्मारकै ठूलो सहर यांगुनको ट्राफिक व्यवस्था निकै प्रभावित भएको थियो । सुचीलाई सेनाले दोस्रो मुद्दा लगाएपछि प्रदर्शनकारीले नयाँ शैलीमा विरोध जनाएका हुन् । आयोजकहरूले सरकारी कर्मचारीलाई काममा जानबाट रोक्ने उद्देश्यले सामाजिक सञ्जालमार्फत ‘ब्रोकन डाउन कार’ आन्दोलन आह्वान गरिएको बताएका छन् । त्यस्ता प्रदर्शनमा चिकित्सक, शिक्षक…

18 Feb

यूएईकी राजकुमारी बन्धकबारे राष्ट्रसंघको चासो

Editor0 CommentsNorth-East

संयुक्त अरब इमिरेट्स (यूएई) का शासककी छोरीलाई आफ्ना बुबाले बन्धक बनाएको विषयमा संयुक्त राष्ट्रसंघले प्रश्न उठाउने भएको छ । देश छाडी भाग्ने प्रयास गरेपछि बुबाले सन् २०१८ देखि बन्धक बनाएका लतिफाको आरोप छ । आफ्ना साथीहरूलाई गोप्य रूपमा पठाएको भिडियोमा लतिफा अल मक्तुमले आफूलाई पिताले ‘बन्धक’ बनाएर राखेका र आफ्नो ज्यान जोखिममा रहेको उल्लेख गरेकी थिइन् । भिडियो सार्वजनिक भएसँगै अनुसन्धानका लागि संयुक्त राष्ट्रसंघमाथि विश्वव्यापी दबाब बढ्दै आएको छ । यूकेले त्यस्तो भिडियो सार्वजनिक हुनु ‘निकै चिन्ताजनक’ रहेको प्रतिक्रिया दिएको छ । ‘यसबारे हामीलाई गम्भीर चासो छ,’ यूकेका विदेशमन्त्री डोमिनिक राबले भनेका छन् । उनले उक्त घटनाबारे राष्ट्रसंघका विकसित हुने हरेक घटनालाई ‘यूकेले निकै नजिकबाट नियाल्ने’…

18 Feb

तीन उत्तर कोरियाली नागरिकले ह्याकिङ गरेर १.३ अर्ब डलर चोर्न खोजेको अमेरिकाको आरोप

Editor0 CommentsNorth-East

अमेरिकाले विश्वभरका ब्याङ्क तथा व्यवसायबाट उत्तर कोरियाका तीन नागरिकले १.३ अर्ब अमेरिकी डलरभन्दा बढी रकम चोर्न खोजेको अभियोग लगाएको छ। पक्राउ नपरेका ती तीन जनामाथि द्वेषपूर्ण क्रीप्टोकरेन्सी प्रोग्रामहरू प्रयोग गरेको आरोप लगाइएको छ। उत्तर कोरियाका ती नागरिकमाथि सन् २०१७ मा 'वाना क्राइ' साइवर हमलामा समेत संलग्न रहेको आरोप लगाइएको छ जसले यूकेको स्वास्थ्यसम्बन्धी कम्प्युटर प्रणालीलाई प्रभावित बनाएको थियो। त्यसले यूके बाहेक विश्वभरका १५० भन्दा बढी देशहरूमा समेत प्रभाव पारेको बताइन्छ।

18 Feb

विश्‍वका १० मुलुकसँग ७५ प्रतिशत कोरोना खोप : महासचिव गुटेरस

Editor0 CommentsNorth-East

कोरोना भाइरसविरुद्धको खोपको असमान वितरण भइरहेको भन्दै संयुक्त राष्ट्र संघका महासचिव एन्टोनियो गुटेरसले कडा आलोचना गरेका छन् । महासचिव गुटेरसले कोरोनाविरुद्धको खोप अभियान असमान र अनुचित भएको भन्दै आलोचना गरेका हुन् । उनले कुल कोरोना खोपको ७५ प्रतिशत हिस्सा १० देशले नियन्त्रण गरेको बताएका छन् । बुधबार संयुक्त राष्ट्र संघको सुरक्षा परिषद्को उच्चस्तरीय बैठकलाई सम्बोधन गर्दै महासचिव गुटेरसले भने, ‘विश्वमा अहिले पनि १३० मुलुक यस्ता छन्, जहाँ अहिलेसम्म कोरोनाको एक डोज खोप उपलब्ध गराइएको छैन ।’ उनले कोरोना महामारीले निम्त्याएको कठिन परिवेशमा खोपको समान वितरण वैश्विक समुदायको नैतिक परीक्षा भएको बताए । महासचिव गुटेरसले आपत्कालीन खोप अभियान सबै मिलेर सुरु गर्नुपर्नेमा पनि जोड दिएका…

17 Feb

आर्मी रोकिएपछि एपीएफ दुई खेलअघि नै च्याम्पियन

Editor0 CommentsNorth-East

सशस्त्र प्रहरी बलको एपीएफ क्लबले दुई खेल बाँकी छँदै महिला राष्ट्रिय लिग फुटबलको उपाधि रक्षा गरेको छ । दोस्रो स्थानमा रहेको आर्मी बुधबारको पहिलो खेलमा १–१ मा रोकिएपछि एपीएफ दुई खेलअगावै च्याम्पियन भएको हो । पहिलोपल्ट आयोजित ‘डबल लिग’मा एपीएफले शतप्रतिशत जितसहित १० खलेलबाट ३० अंक जोडेको छ । सात टिम सहभागी लिगमा उसले ११ औं चरणको खेलमा अहिले सातदोबाटोस्थित एन्फा कम्प्लेक्समा विराटनगर महानगरपालिकाविरुद्ध प्रतिस्पर्धा गरिरहेको छ । वर्षातबीच यस खेलमा मैदानमा ओर्लनुअघि नै एपीएफले उपाधि निश्चित गरेको हो । यो लिगमा सात ह्याट्रिकसहित ४३ गोल गरेकी सावित्रा भण्डारी पुलिसविरुद्ध सोमबारको खेलमा घाइते भएपछि उनीबिना नै एपीएफ खेलिरहेको छ । दोस्रो स्थानमा रहेको आर्मीले…

17 Feb

भागरथीको बलात्कार तथा हत्याका अभियुक्त दिनेशलाई ५ दिन म्याद थप गरेर अनुसन्धान गर्न अदालतको अनुमति

Editor0 CommentsNorth-East

भागरथी भट्टको बलात्कार तथा हत्या प्रकरणमा पक्राउ परेका उनका छिमेकी १८ वर्षीय दिनेश भट्टलाई ५ दिन म्याद थप गरेर अनुसन्धान अगाडि बढाउन अदालतले प्रहरीलाई अनुमति दिएको छ । हत्या आरोपी भट्टलाई ५ दिन म्याद थप गरेर अनुसन्धान गर्न बुधबार जिल्ला अदालत बैतडीले अनुमति दिएको प्रदेश प्रहरी प्रमुख डीआईजी उत्तराज सुवेदीले जानकारी दिए । बुधबार दिउँसो २ बजे जिल्ला प्रहरी कार्यालयमा पत्रकार सम्मेलन गर्दै प्रहरीले अभियुक्तलाई सार्वजनिक गरेको हो । दिनेश भट्ट भागरथी पढ्ने सनातन धर्म माविमा कक्षा ११ अध्ययनरत छन् । भागरथीका दाइ केशवराज भट्टले बुधबार बिहान आरोपी भट्टविरुद्ध किटानी जाहेरी दर्ता गराएका थिए । 'अभियुक्तले आफूले हत्या गरेको बयान स्वीकारिसकेका छन्,' डीआईजी सुवेदीले…

17 Feb

मध्य प्रदेश बस दुर्घटना : मृतकको संख्या ५० पुग्यो

Editor0 CommentsNorth-East

भारतको मध्य प्रदेश राज्यको सिधी जिल्लामा मंगलबार भएको बस दुर्घटनामा मृत्यु हुनेको संख्या ५० पुगेको छ । समाचार संस्था एनएनआईले जिल्ला अधिकारी रवीन्द्रकुमार चौधरीलाई उद्धृत गर्दै मृतकको संख्या ५० पुगेको जनाएको छ । भारतीय सञ्चारमाध्यमका अनुसार सिधीबाट सत्ना गइरहेको बस मंगलबार बिहान नहरमा खसेको हो । दुर्घटनास्थल मध्यप्रदेशको राजधानी भोपालबाट करिब ५ सय ६० किलोमिटर टाढा पर्छ । प्रहरीका अनुसार बस सडक छेउमा रोक्ने क्रमममा पुलबाट ३० फिट गहिरो नहरमा खसेको जनाइएको छ । खसेपछि ७ यात्रु भने पौडेर बाहिर निस्कन सफल भएका थिए । प्रहरी नियन्त्रण कक्षको जानकारीअनुसार चालकले नियन्त्रण गुमाएपछि बस नहरमा खसेको हो । स्थानीय सञ्चारमाध्यमका अनुसार बसमा ५७ जनाले यात्रा गरिरहेका…

17 Feb

किसान आन्दोलन समर्थकप्रति मोदी सरकार आक्रामक

Editor0 CommentsNorth-East

भारतमा विगत ६ महिनादेखि जारी किसान आन्दोलनका समर्थकप्रति नरेन्द्र मोदी सरकार थप आक्रामक बन्दै गएको छ । त्यसै क्रममा शनिबार जलवायु अभियन्ता दिशा रविलाई पक्राउ गरिएको हो । उनको पक्राउपछि मोदी सरकारको कडा आलोचना भएको छ । रविलाई दिल्ली प्रहरीले शनिबार उनको गृहनगर बैंग्लोरबाट पक्राउ गरेको हो । रविमाथि अन्तर्राष्ट्रिस्तरमा भारतको छवि बिगार्ने गरी ‘टुलकिट’ तयार पार्ने कार्यमा संलग्न हुनुका साथै त्यसको प्रचारप्रसारमा सघाएको आरोप लगाइएको छ । दिल्लीको पटियाला हाउस अदालतले रविलाई आइतबार नै पाँच दिनको न्यायिक हिरासतमा पठाउने आदेश जारी गरेको थियो । यसअघि किसान आन्दोलनको समर्थन गरेकोमा राजनीतिज्ञ तथा लेखक शशि थरुर, वरिष्ठ पत्रकार राजदीप सर देसाईलगायतविरुद्ध पनि विभिन्न राज्यमा एफआईआर दायर गरिएको…

17 Feb

जापानमा कोभिड-१९ विरुद्धको खोप अभियान सुरु

Editor0 CommentsNorth-East

जापानले कोरोना भाइरसविरुद्धको खोप अभियान बुधबारदेखि सुरु गरेको छ । जापानी स्वास्थ्य अधिकारीहरुका अनुसार पहिलो चरणमा स्वास्थ्यकर्मीलाई खोप दिइने छ । जापानले हालसम्म फाइजर कम्पनीको खोप मात्र स्वीकृत गरेको छ । बुधबार बिहान टोकियो अस्पतालमा पहिलो खोप दिएर खोप अभियान सुरु भएको हो । टोकियो मेडिकल सेन्टरका निर्देशक काजुहिरो आराकी जापानमा खोप लगाउने पहिलो व्यक्ति भएका छन् । खोप लगाएपछि पत्रकारहरुसँग कुरा गर्दै निर्देशक काजुहिरोले कोरोना भाइरस नियन्त्रणमा ल्याउने सबैभन्दा प्रभावकारी विधि खोप हो भन्ने ठानेर आफूले खोप लिएको बताए । उनले भने, 'खोप लगाउँदा त्यति दुखेको अनुभूति भएन । मलाई ठीकै लाग्यो ।' जापानले पहिलो चरणमा देशभरका ४० हजार स्वास्थ्यकर्मीलाई खोप दिने तयारी गरेको छ ।…

17 Feb

‘राहदानीसँगै अब कोभिड खोप लगाएको पुष्टि गर्ने भ्याक्सीन पासपोर्ट पनि आवश्यतक’

Editor0 CommentsNorth-East

कोरोनाभाइस विरुद्धको खोप लगाएको प्रमाणपत्र अथवा 'खोप राहदानी' भनिएको आधिकारिक कागजपत्रले मानिसहरूलाई विदेश यात्रा गर्दा आफू सुरक्षित रहे नरहेको प्रमाण पेस गर्न सजिलो तुल्याउँछ भनेर तर्क गरिँदैछ। ग्रीसमा प्रधानमन्त्रीले कोभिड खोप लगाएका मानिसहरूलाई एक प्रमाणपत्र जारी गर्न भनी युरोपेली आयोगलाई आग्रह गरेका छन्। त्यस्तो दस्तावेजले "खोप लगाइसकेका मानिसहरूलाई स्वतन्त्रतापूर्वक खुला रूपमा ओहोरदोहोर गर्न सहज तुल्याउँछ।" एस्टोनिया र संयुक्त राष्ट्रसङ्घीय स्वास्थ्य निकायले खोप लगाएको भन्ने जनाउने विद्युतीय प्रमाणपत्र, ई-भ्याक्सिनेशन सर्टिफिकेट तयार पार्दै छन्। त्यसलाई "स्मार्ट एलो कार्ड" भनिनेछ।