9 मई अर्थात शनिवार ब्रिगेड परेड ग्राउण्डमा नयाँ भाजपा सरकारको शपथ ग्रहण समारोह सम्पन्न हुनेछ। बिहान 10 बजी राज्यका नयाँ मुख्यमन्त्रीले शपथ लिनेछन्। मन्त्री परिषदका सदस्यहरूले पनि त्यो दिन शपथ लिनेछन्। कार्यक्रममा प्रधानमन्त्री नरेन्द्र मोदी, केन्द्रीय गृहमन्त्री अमित शाह सहभागी हुनेछन्। साथै भाजपका सर्वभारतीय अध्यक्ष नीतिन नवीनसहित अन्य शीर्ष नेतृत्व पनि उपस्थित रहनेछन्।
भाजपका राज्य अध्यक्ष शमीक भट्टाचार्य ले बुधवार भने, 9 तारिख बिहान 10 बजी ब्रिगेड परेड ग्राउण्डमा शपथ ग्रहण कार्यक्रम हुनेछ। यो एक अभिनव पहल हो। जनताबीच उभिएर राज्यको नयाँ सरकारले शपथ लिनेछ।
चुनाउ प्रचारका क्रममा बारम्बार नरेन्द्र मोदी र अमित शाहले जनताको सरकार गठन गर्ने बताएका थिए। अब त्यही जनताको सरकारको यात्रा जनताको बीचबाटै आरम्भ हुन लागेको छ। त्यसैले ब्रिगेड मैदानमा शपथ ग्रहणको आयोजना गरिएको हो। शपथ ग्रहणको अघिल्लो दिन अर्थात् 8 मईमा अमित शा ले विधायकहरूसित बैठक गर्नेछन्।
