Paromita - Purbottar Nepali

18 Feb

राजु विष्टविरुद्ध धम्कीपूर्ण भाषा प्रयोगको आरोप

ParomitaPolitical

दार्जीलिङका भाजपा सांसद राजु विष्टविरुद्ध पुलिसलाई फोनमार्फत धम्की दिएको आरोप उठेको छ। सांसद राजु विष्टले मभन्दा ठूलो गुण्डा कोही छैन भनेको आरोप पनि छ। सामाजिक सञ्जालमा भाइरल भएको एउटा भिडियोमा राजु विष्टले यस्तै मन्तव्य गरेका आरोप पनि छ। यस विषयबारे राजनीतिक क्षेत्रमा तीव्र आलोचना आरम्भ भएको छ।प्राप्त जानकारीअनुसार सिलगढ़ी महकुमा परिषदअन्तर्गत जालास निजमतारा क्षेत्रको झमकलाल जोत गाउँमा गत दिसम्बर महीना जग्गा विवादलाई केन्द्र गरेर दुई पक्षबीच विवाद उत्पन्न भएको थियो। त्यसपछि दुवै पक्षका केही व्यक्ति कुटपिटमा घाइते भएका थिए। त्यति बेला घाइतेमध्ये एक गर्भवती महिलालाई गम्भीर अवस्थामा उत्तर बङ्गाल मेडिकल कलेज औ अस्पतालमा भर्ना गरिएको थियो। पछि सन्तान जन्माएको केही…

17 Feb

आफ्नो अड़ानमा अडिग आयोगद्वारा निलम्बित एईआरओ

ParomitaElection

मतदाता सूची संशोधन वा एसआईआर प्रक्रियामा लापरवाही गरेको आरोपमा चुनाउ आयोगले राज्यभरि सातजना एईआरओलाई निलम्बन गरेको छ। त्यस सूचीमा मैनागुड़ीका एईआरओ डालिया रायचौधुरीको नाम पनि सामेल छ। तर आयोगको कारवाहीको सामना गरे पनि तिनी आफ्नो अड़ानमा अडिग रहेकी छन्। सोमवार जिल्ला अधिकारीले डाकेपछि आफ्नो कार्यालयमा उपस्थित हुन आएकी डालिया देवीले स्पष्ट रूपमा भनिन्, मैले कुनै पनि गलत कार्य गरेको छुइनँ।उक्त दिन सञ्चारमाध्यमसित कुराकानी गर्दै निलम्बित एईआरओले भनिन्, मैले उच्च अधिकारीको निर्देशनअनुसार नै चुनाउ सम्बन्धी काम गरेको हुँ। मेरो तर्फबाट मैले 100 प्रतिशत मेहनत गरेकी छु। मलाई किन निलम्बन गरियो त्यो आयोगले नै भन्न सक्छ।आयोगको मार्गनिर्देशन नमानेको आरोपलाई पूर्ण रूपमा अस्वीकार…

17 Feb

तृणमूल नेताविरुद्ध आरोप

ParomitaPolitical

ग्राम पञ्चायत सदस्य निर्वाचित हुनअघि राजु मण्डल टिनको घरमा बस्थे। अहिले तिनी चारतल्ले घरका मालिक बनेका छन्। राज्यमा तृणमूल कङ्ग्रेसका ग्राम पञ्चायत तहका जनप्रतिनिधिहरूको प्रभाव कसरी बढ़ेको छ भन्ने विषयमा चर्चा र आरोपको अन्त छैन। तर फूलबारी 1 ग्राम पञ्चायतको पोड़ाझार क्षेत्रका पञ्चायत सदस्य राजुले केही वर्षमै जसरी सम्पत्ति आर्जन गरेका छन् त्यसबारे तृणमूलभित्रै असन्तोष छ। तिनको विरोधी समूहका नेता–कार्यकर्ताहरूले यसपल्ट राजुविरुद्ध आक्रोश पोख्न थालेका छन्। शनिवार राति क्षेत्रमा बालुवा–ढुङ्गा सेण्डिकेटको नियन्त्रण कसको हातमा रहने भन्ने विषयमा तृणमूलका गुटहरूबीच झड़पले स्थिति तनाउग्रस्त बन्यो।राजुको विरोधी समूह भनेर चिनिने ज्योतिष बर्मनको पसलमा आगजनी गरिएको आरोप राजुको समर्थकहरूमाथि लागेको छ। त्यसपछि राजु र…

17 Feb

महिला पुलिसकर्मीको झुण्डिएको अवस्थामा शव उद्धार

ParomitaJALPAIGURI

महिला कन्स्टेबलको रहस्यमय मृत्यु प्रकरणले तनाउ फैलिएको छ। आइतवार राति जलपाइगढ़ी शहरको सेनपाड़ामा भाड़ाको घरबाट कन्स्टेबल मामनी रायको झुण्डिएको शव उद्धार गरिएको हो। तिनी जलपाइगढ़ी सदर ट्राफिक पुलिसमा कन्स्टेबल पदमा कार्यरत थिइन्। तिनका श्रीमान चन्दन बर्मनको अर्की एक महिलासित सम्बन्ध बनेको मृतकका परिवारजनले आरोप लगाएका छन्। त्यसकारण घरमा कलह आरम्भ भएको थियो। विरोध गर्दा मामनीलाई कुटपिट गरिन्थ्यो। मृत्युको जाँचको माग गर्दै कन्स्टेबलको परिवार पुलिससमक्ष पुगेको छ। मैनागुड़ीको हेलापाकड़ीकी छोरी मामनीको नौ वर्षअघि कोचबिहारको घोकसाडाङ्गाका वासिन्दा चन्दन बर्मनसित विवाह भएको थियो।तिनीहरूका दुई छोरा छन्। मृतकका भेना अरुणकुमार रायले भने, मेरो सालीसित चन्दनको पहिलेदेखि नै प्रेम सम्बन्ध थियो। मामनीले पुलिसमा जागिर पाइन्।…

17 Feb

सड़क दुर्घटनामा शिक्षकहरू घाइते

ParomitaJALPAIGURI

मङ्गलवार बिहान जलपाइगढ़ीमा उच्च माध्यमिक परीक्षाको ड्युटीका लागि जाँदै गर्दा सड़क दुर्घटनामा परेर केही शिक्षक घाइते भएका छन्। उक्त घटना राष्ट्रिय राजमार्ग 31 को बालापाड़ा क्षेत्रमा भएको हो।रिपोर्टअनुसार शिक्षकहरू जलपाइगढ़ीदेखि मैनागुड़ी जाँदै थिए अनि तिनीहरू म्याजिक भ्यानमा सवार थिए। सोही क्रममा पछाड़िबाट एउटा चारचक्के वाहनले ठक्कर दिएको आरोप छ। ठक्करका कारण धेरै शिक्षकहरू घाइते भएका छन्।दुर्घटनापछि घटनास्थलमा तनाउको स्थिति सिर्जना भएको थियो। आक्रोशित भीड़ले ठक्करमा संलग्न चारचक्के वाहन तोड़फोड़ गरेको आरोप छ। घाइतेहरूलाई उद्धार गरी उपचारका लागि अस्पताल लगिएको छ। जानकारी पाएपछि पुलिस घटनास्थलमा पुगेको थियो र घटनाबारे जाँच आरम्भ गरिएको छ।

17 Feb

आग्नेयास्त्रसहित युवक पक्राउ

ParomitaSILIGURI

विधानसभा चुनाउअघि सिलगढ़ीमा सर्किट हाउस मोड़नजिक राति गरिएको चेकिङका क्रममा पुलिसले एक युवालाई हतियारसहित पक्राउ गरेको छ। उक्त कारवाही प्रधाननगर थानाको सादा पोशाकमा रहेका पुलिस टोलीद्वारा सञ्चालन गरिएको थियो।प्राप्त रिपोर्टअनुसार उक्त युवक अटोमा यात्रा गरिरहेका थिए। तिनको व्यवहार शङ्कास्पद लागेपछि पुलिसले तलासी गर्दा तिनको कम्मरमा बाँधिएको अवस्थामा एउटा आग्नेयास्त्र र जिउँदो कारतुस फेला पारियो। पक्राउ परेका युवकको पहिचान कालेबुङ क्षेत्रका वासिन्दा एमडी फिरोज उर्फ राजका रूपमा गरिएको छ।प्रारम्भिक सोधपुछका क्रममा तिनले यात्रीका रूपमा भेष बदलेर सिलगढ़ी जङ्क्सन क्षेत्रमा कसैलाई उक्त आग्नेयास्त्र बुझाउने योजना बनाएको आशङ्का गरिएको छ। पुलिसले तिनीविरुद्ध हतियार ऐनअन्तर्गत मुद्दा दर्ता गरी सिलगढ़ी न्यायालयमा प्रस्तुत गरेको छ। आग्नेयास्त्रको…

16 Feb

बङ्गलादेशी बन्दीको मृत्यु

ParomitaDead

जेलमा बिरामी भएपछि उपचारको क्रममा एक जेल बन्दीको मृत्यु भएको छ। तिनी बङ्गलादेशका नागरिक थिए। त्यसैले परिवारका सदस्यहरूको निवेदनका आधारमा तिनको शव फिर्ता पठाउने विषयमा त्यहाँ तयारी आरम्भ गरिएको छ। पाँच वर्षअघि अवैध रूपमा भारत प्रवेश गरेका बङ्गलादेशको कुड़ीग्राम जिल्लाको जुम्माहाट क्षेत्रका वासिन्दा मोहम्मद खैरुल इस्लामलाई मेखलीगञ्ज थाना पुलिसले पक्राउ गरेको थियो। लगभग अढ़ाई वर्षसम्म न्यायालयमा मुद्दा चलेपछि तिनलाई दोषी ठहर गर्दै न्यायाधीशले 6 वर्षको सश्रम कारावास सजाय सुनाएका थिए। त्यसपछि लगभग अढ़ाई वर्षदेखि खैरुललाई जलपाइगढ़ी केन्द्रीय जेलमा राखिएको थियो।जेल सूत्रअनुसार, खैरुलको मुखमा घाउ देखिएपछि यसै महीनाको 3 तारिख तिनलाई जलपाइगढ़ी मेडिकल कलेज औ अस्पतालमा भर्ना गराइएको थियो। सात दिनसम्म…

16 Feb

पहिलो दिनमै युवा साथीमा नाम दर्ता गर्न ठूलो भीड़

ParomitaWest Bengal

युवा साथी शिविरमा भाजपा प्रमुख। आइतवार जलपाइगढ़ी जिल्लाको राजगञ्ज पञ्चायत समिति मैदानमा आयोजित युवा साथी शिविरमा कुकुरजान क्षेत्रका भाजपा प्रमुख गोपाल पोद्दार सहभागी भए। तिनले परिवारका सदस्यहरूलाई लाइनमा उभ्याएर योजनाको फारम भराए। मतदानमुखी उत्तर बङ्गालमा प्रमुखको यस्तो भूमिकाले पद्म शिविर असहज बनेको छ। यसबाहेक उत्तर बङ्गालका अन्य स्थानमा पनि शिविरमा अत्यधिक भीड़ देखियो। जलपाइगढ़ी जिल्लाको प्रत्येक ब्लकमा युवा साथी क्याम्प आयोजना गरिएको छ। तीमध्ये राजगञ्ज पञ्चायत समिति मैदानमा आयोजित क्याम्प उल्लेखनीय रह्यो। बिहानदेखि नै क्याम्पमा कुकुरजान क्षेत्रका भाजपा प्रमुख सक्रिय देखिए। केही बेरपछि क्याम्पको लाइनमा प्रमुखका छोरा, भतिजा र भतिजी देखिए। उक्त तस्बिर सामाजिक सञ्जालमा फैलियो। यसबारे प्रमुखले भने, युवा…

16 Feb

10 करोड़ 81 लाख रुपियाँ सम्पत्ति कर सङ्कलन

ParomitaSILIGURI

सम्पत्ति कर सङ्कलनको परिमाण बढ़िरहेको छ। प्रशासन सूत्रअनुसार, केवल सात महीनामा सिलगढ़ी नगर निगमले 10 करोड़ 81 लाख 11 हजार 842 रुपियाँ सम्पत्ति कर सङ्कलन गरेको छ। आगामी चार महीनामा उक्त रकम 19 करोड़ रुपियाँ पुग्ने अनुमान गरिएको छ। अर्कातिर राज्य तथा केन्द्र सरकारका 73 वटा कार्यालयबाट बक्यौता सम्पत्ति कर र सेवा शुल्कको रकम 18 करोड़ रुपियाँभन्दा अधिक रहेको छ। यस्तो परिप्रेक्ष्यमा उपासनालय, दातव्य ट्रस्ट, सोसाइटी, मदरसा तथा विद्यालयका सम्पत्ति करमा छुट दिने घोषणा नगर निगमको बजेटमा गरिएको छ।यसैबीच आज सोमवार नगर निगम बजेटमाथि छलफल हुनेछ। त्यसमा नगर निगमको आम्दानी तथा विकास सम्बन्धी परियोजनाहरूका विषयमा चर्चा हुन सक्ने बताइएको छ।…

16 Feb

आफ्नै दलका कार्यकर्ताको दोकानमा आगजनी गरिएको आरोप

ParomitaPolitical

आफ्नै दलका एक कार्यकर्ताको पसलमा आगजनी गराएको आरोप तृणमूल कङ्ग्रेसका एक पञ्चायत सदस्यविरुद्ध लागेको छ। त्यसको प्रतिकार स्वरूप समर्थकहरू लिएर उक्त पञ्चायत सदस्यलाई कुटपिट गरिएको आरोप पनि उठेको छ। घटनामा तीनजना घाइते भएका छन्। उनीहरू उत्तर बङ्गाल मेडिकल कलेज औ अस्पतालमामा उपचाराधीन छन्। एनजेपी थाना पुलिसले आइतवार उक्त पञ्चायत सदस्यसहित पाँचजनालाई पक्राउ गरेको छ। समग्रमा तृणमूल कङ्ग्रेसभित्रको गुटीय झड़पका कारण शनिवार रातिदेखि सिलगढ़ी नजिकैको फूलबारी 1 ग्राम पञ्चायतअन्तर्गत पर्ने पोड़ाझार क्षेत्र तनाउग्रस्त बनेको छ।सूत्रअनुसार, बालुवा–ढुङ्गा सेण्डिकेटको नियन्त्रण कसको हातमा रहने भन्ने विषयमा सम्पूर्ण विवाद आरम्भ भएको हो। उक्त क्षेत्रमा एउटा बहुतल्ले भवन निर्माण भइरहेको छ। शनिवार राति तृणमूल कङ्ग्रेसका पञ्चायत…