नयाँदिल्लीस्थित जवाहरलाल नेहरू विश्वविद्यालयमा आइतबार साँझ विद्यार्थीका दुई समूहबीच झडप भएको छ । घटनामा ६ जना विद्यार्थी घाइते भएको प्रहरीले जनाएको छ । विद्यार्थीका अनुसार घाइतेको संख्या धेरै छ ।
हिन्दु पर्व रामनवमीको दिन होस्टेलको मेसमा मांसाहारी खाना खुवाएको भन्दै वाम संगठनसँग आबद्ध विद्यार्थी र आरएसएसको विद्यार्थी संगठन एबीभीपीका सदस्यहरूबीच झडप भएको थियो ।
अब, प्रहरीले केही विद्यार्थीहरूको उजुरीमा अज्ञात एबीवीपी सदस्यहरू विरुद्ध एफआईआर दर्ता गरेको छ भने जेएनयू प्रशासनले घटनाको अनुसन्धान सुरु गरेको छ। यसैबीच, वाम समूहमा आबद्ध विद्यार्थीहरूले सोमबार दिउँसो २ बजे दिल्ली प्रहरी मुख्यालयमा विरोध प्रदर्शनको आह्वान गरेका छन्।
