आज फेब्रुअरी २१ तारिखका दिन विश्वभर अन्तर्राष्ट्रिय मातृभाषा दिवस मनाइँदै छ । देश र राज्यका अन्य भागहरू जस्तै सिलगढीमा पनि विभिन्न कार्यक्रम गरी अन्तर्राष्ट्रिय मातृभाषा दिवस मनाइयो। सिलगढी नगरपालिका र पश्चिम बंगाल सूचना तथा संस्कृति विभागको संयुक्त आयोजनामा सिलगढी बाघजातिन पार्क मैदानमा अन्तर्राष्ट्रिय मातृभाषा दिवसको आयोजना गरियो।कार्यक्रममा सिलगढी नगरपालिकाका मेयर गौतम देव, उपमेयर रञ्जन सरकार, अन्य काउन्सिलर र गणमान्य व्यक्तिहरू उपस्थित थिए। सन् १९९९ मा संयुक्त राष्ट्रसङ्घीय शैक्षिक, वैज्ञानिक तथा सांस्कृतिक संगठनको महासभाले पारित गरेपछि सन् २००० देखि हरेक वर्ष २१ फेब्रुअरीमा मनाइने अन्तर्राष्ट्रिय मातृभाषा दिवसको यस वर्षको मुख्य नारा ‘बहुभाषी शिक्षा’ रहेको छ । अन्तरपुस्ता शिक्षाको आधार घोषणा गरिएको छ ।
सिलगढीमा अन्तर्राष्ट्रिय मातृभाषा दिवस मनाइयो
