पाकिस्तानका पूर्वप्रधानमन्त्री इमरान खानलाई तोशाखाना मुद्दामा तीन वर्षको जेल सजाय सुनाइएको छ । उनलाई अतिरिक्त न्यायाधीश हुमायुन दिलवाराले एक लाख रुपैयाँ जरिवाना समेत तोकेका छन् ।
अदालतको फैसलापछि पञ्जाब प्रहरीसँगको समन्वयमा राजनीतिज्ञलाई लाहोरस्थित उनको निवासबाट हिरासतमा लिइएको थियो ।
“पुलिसले इमरान खानलाई उनको निवासबाट पक्राउ गरेको छ,” खानका वकिल इन्तेजार पन्जोथाले रोयटर्सलाई भने। ‘हामीले उक्त निर्णयविरुद्ध उच्च अदालतमा निवेदन दिइरहेका छौं।
पूर्वप्रधानमन्त्री आफू सत्तामा हुँदा महँगो राज्य उपहार बेचेर नाफा कमाएको अभियोगमा दोषी ठहर भएका छन् ।
