13
Mar
नेपाली साहित्यकी कालजयी लेखिका विष्णु कुमारी वाइबा (पारिजात) को 93औँ जन्मजयन्ती शहरमा धूमधामले मनाइयो। शहरमा आयोजित पारिजात सांस्कृतिक शोभायात्रा नेपाली भाषा र साहित्यप्रति सर्वसाधारणको हार्दिक माया र सम्मानको प्रतिविम्ब बनेको थियो। कार्यक्रमको आयोजना सिलगढ़ी पारिजात जयन्ती समारोह समिति तथा नगर निगमको 42 नम्बर वार्ड समितिले गरेको थियो।शोभायात्रामा महिला–पुरुषसहित सयौँ साहित्यप्रेमीहरूले सहभागिता जनाए। मुख्य आकर्षण पारिजातको प्रतिकृति लिएर शहरका प्रमुख सड़कहरूमा गरिएको पदयात्रा थियो। जहाँ स्थानीय विशिष्ट व्यक्तित्वहरू तथा साहित्यप्रेमीहरूले पारिजात चोकस्थित पारिजातको मूर्तिमा माल्यार्पण तथा पुष्पगुच्छ अर्पण गरे। आयोजकहरूअनुसार पारिजात केवल एक लेखिका मात्र थिइनन् तिनी शोषित र वञ्चित मानिसहरूको आवाज थिइन्। तिनको कालजयी उपन्यास शिरीषको फूल-ले आज पनि नयाँ…
