28
Oct
राज्यको कुनै पनि सरकारी सम्पत्ति बिक्री नगरिएको मुख्यमन्त्री प्रेम सिंह तामाङ गोलेले दावी गरेका छन्। बुधवार राजधानीको देउरालीस्थित एउटा खेल पूर्वाधारको उद्घाटनपछि पत्रकारहरूले सोधेको प्रश्नको उत्तर दिँदै मुख्यमन्त्री गोलेले भने, राज्यको सरकारी सम्पत्तिहरू वर्तमान सरकारले बिक्री गरेको विपक्षी पार्टीहरूले जुन आरोप लगाइरहेका छन् यो सरासर गलत हो, हामीले कुनै पनि सरकारी सम्पत्ति बिक्री गरेका छैनौं । विपक्षीको आरोपको खण्डन गर्दै तिनले भने, पुरानो वेस्ट पोइण्ट स्कूल र साउथ वेस्ट ट्याक्सी स्ट्याण्डको जमीनमा पीपीई मोडमा एउटा राम्रो अनि बहुद्देश्य पूर्वाधार निर्माण भइरहेको छ, उक्त स्थानमा निजी कम्पनीले उक्त पूर्वाधार निर्माण गरेपछि चार तला ट्याक्सी स्ट्याण्डको निम्ति सरकारलाई दिने र यसको सुविधा…
