North-East - Purbottar Nepali

29 Jan

बाइडेन आएसँगै बेरीको दौडधुप

Editor0 CommentsNorth-East

अमेरिकामा राष्ट्रपति फेरिएसँगै काठमाडौंमा राजदूत बेरीले भेटवार्ता बढाएर मुख्य गरी इन्डो–प्यासिफिक स्ट्राटेजी, एमसीसी, तिब्बत मामिला र द्वन्द्वकालीन घटनालाई बढी चासो दिन खोजेको देखिन्छ ।अमेरिकामा नयाँ प्रशासन आएपछि नेपालले एमसीसी परियोजनामा प्रयास गर्नुपर्छ । नेपालले संसद् छैन भनेर अनुरोध गर्न सक्छ । परियोजना निर्माणलाई नेपाल सरकारले बजेटमा राखिसकेकाले अर्कै किसिमले अनुरोध पनि गर्न पाइयो । नेपालका लागि अमेरिकी राजदूत र्‍यान्डी बेरीले बुधबार नेकपा (दाहाल–नेपाल समूह) का अध्यक्ष माधवकुमार नेपाललाई उनकै निवासमा भेटे । माघ १२ गते सोमबार एकै दिन राष्ट्रपति विद्यादेवी भण्डारीसँग शीतल निवास, नेकपा (दाहाल–नेपाल समूह) का अध्यक्ष पुष्पकमल दाहालसँग खुमलटार र कांग्रेस सभापति शेरबहादुर देउवासँग बूढानीलकण्ठ पुगेर भेटवार्ता गरे । त्यसअघि माघ ८ गते…

28 Jan

चिनियाँ कम्युनिष्ट पार्टीका वरिष्ठ नेता घुसकाण्डमा पक्राउ

Editor0 CommentsNorth-East

चिनियाँ कम्युनिष्ट पार्टीका एक वरिष्ठ नेता घुसकाण्डमा पक्राउ परेका छन् । चिनियाँ कम्युनिष्ट पार्टीको हेनान प्रान्तको प्रान्तीय किमिटीका पूर्व उपाध्यक्ष समेत रहेका वाङ योङलाई घुस लिएको आरोपमा पक्राउ गरिएको चिनियाँ सञ्चारमाध्यम सिन्ह्वाले जनाएको छ । वाङलाई चिनियाँ सर्वोच्च जनपरिषदले पक्राउ गर्ने निर्णय गरेको थियो । जनपरिषद्का अनुसार राष्ट्रिय निरीक्षण आयोगले गरेको अनुसन्धानबाट वाङ घूसखोरीमा संलग्न रहेको सम्भावना देखिएको जनाउँदै फौजदारी अनुसन्धान गर्न र अन्य आवश्यक कारबाही गर्न सिफारिस गरेको थियो । चिनियाँ कम्युनिष्ट पार्टीको राजनीतिक परामर्श समितिका सदस्य समेत रहेका वाङलाई पार्टीको नीति र नियम उल्लंघन गरेको आरोपमा पार्टीबाट निष्कासन गरिएको छ । पार्टी अनुशासन एवं कानुनको गम्भीर उल्लंघनको आरोपमा उनलाई जिम्मेवारीबाट हटाइएको…

28 Jan

वुहानमा क्‍वारेन्टाइन अवधि सकेर कोरोना उत्पत्तिबारे अनुसन्धान गर्दै डब्लूएचओ टोली

Editor0 CommentsNorth-East

कोरोना भाइरसको उत्पत्तिबारे अनुसन्धान गर्न चीनको वुहान पुगेको विश्व स्वास्थ्य संगठन(डब्लूएचओ)को टोलीले क्वारेन्टाइन अवधि पूरा गरेको छ । माघ १ गते चीनको वुहान पुगेको डब्लूएचओको टिमले अब फिल्डमा गएर कोरोना भाइरसको उत्पत्तिबारे अनुसन्धान गर्ने समाचार संस्था एपीले जनाएको छ । दस जना वैज्ञानिकहरूको टोलीले विभिन्न अनुसन्धान संस्था, अस्पताल र माछाबजारका मानिसहरूसँग अन्तर्वार्ता गर्ने जनाइएको छ । चीनको वुहानबाट सन् २०१९ को डिसेम्बरदेखि कोरोना भाइरसको महामारी फैलिएको बताइएको छ । टोली प्रमुख पिटर बेन एम्बरेकले ‘वास्तवमा के भएको थियो भन्नेबारे थाहा पाउनका लागि यो निकै लामो यात्रा तय गर्नुपर्ने’ बताएका छन् ।

28 Jan

कोरोना भाइरस नेपालः कोभिड-१९ खोप तीन महिनामा सबै नेपालीलाई उपलब्ध गराउन कति सम्भव?

Editor0 CommentsNorth-EastCoronavirus

प्रधानमन्त्री केपी शर्मा ओलीले तीन महिनाभित्र सरकारले सबै नेपालीलाई कोभिड-१९ विरुद्धको खोप उपलब्ध गराउने बताए पनि सरकारद्वारा गठित विज्ञ समूहका संयोजकले नेपालीहरूलाई कोरोनाभाइरसको खोप दिन कम्तीमा एक वर्षको समय चाहिने बताएका छन्। चरणबद्ध रूपमा खोपहरू प्राप्त हुने भएकाले नियमित रूपमा खोप अभियान चलाउँदा पनि अहिले भनिएको नेपालको जनसङ्ख्याको ७२ प्रतिशतलाई खोप दिन एक वर्षभन्दा बढी समय लाग्ने उनको भनाइ छ। गत साता भारतबाट १० लाख खोप अनुदानमा पाएपछि नेपालले बुधवारबाट कोभिड-१९ विरुद्धको खोप अभियान आरम्भ गरेको हो। नेपालमा कोभिड खोप अभियान सुरु, तीन महिनाभित्र सबैलाई 'निःशुल्क खोप'कोभिड खोप अभियानको पहिलो दिनका तस्बिर एक व्यक्तिले दुई मात्रा लगाउनुपर्ने अक्सफर्ड-एस्ट्राजेनेकाको भारतमा उत्पादित…

28 Jan

अमेरिकी सुरक्षा निकायद्वारा ‘आन्तरिक आतङ्कवाद’ को जोखिम रहेको चेतावनी

Editor0 CommentsNorth-Eastamerica, white house

अमेरिकी सुरक्षा निकायका प्रमुखहरूले देशमा आन्तरिक आतङ्कवादको जोखिम रहेको भन्दै एउटा चेतावनी दिएका छन्।उनीहरूले त्यस्तो जोखिम गत नोभेम्बरमा भएको राष्ट्रपति निर्वाचनको नतिजासँग असन्तुष्ट व्यक्तिहरूबाट रहेको जनाएका हुन्। डिपार्टमेन्ट अफ होमल्यान्ड सेक्यूरिटीले अमेरिकी संसद् भवनमा ज्यानुअरी ६ मा निवर्तमान राष्ट्रपति डोनल्ड ट्रम्पका समर्थकहरूबाट भएको आक्रमणले केही अतिवादीहरूलाई आत्मबल दिएको आकलन गरेको छ। उसले जारी गरेको एउटा सूचनामा "सरकारी निकायका कामबाट निराश भएका व्यक्तिहरूबाट" त्यस्तो जोखिम रहेको उल्लेख छ।

27 Jan

२४ घण्टामा २८३ जनामा कोरोना पुष्टि, ३ को मृत्यु

Editor0 CommentsNorth-East

पछिल्लो २४ घण्टामा देशभर २८३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । २४ घण्टामा ४ हजार ३८२ पीसीआर परीक्षण भएको छ भने हालसम्म २० लाख ५७ हजार ६९ पीसीआर परीक्षण भएका छन् । यो सँगै देशभर संक्रमितको कुल संख्या २ लाख ७० हजार ३७५ पुगेको छ । सक्रिय संक्रमितको संख्या ३ हजार २८६ छ भने क्वारेन्टाइनमा १२२ जना रहेका छन् । त्यसैगरी २४ घण्टामा २४६ जना निको भइ डिस्चार्ज भएका छन् । यो सँगै कोरोनाबाट निको हुनेको संख्या २ लाख ६५ हजार ६९ पुगेको छ । २४ घण्टामा कोरोनाबाट ३ को मृत्यु भएको छ र हालसम्म कोरोनाबाट ज्यान…

27 Jan

किसान आन्दोलनले दिल्लीमा तनाव

Editor0 CommentsNorth-East

भारतले गणतन्त्र दिवस मनाइरहँदा राजधानी नयाँदिल्लीका केही स्थानहरू भने किसान आन्दोलनकारी र प्रहरीबीचको झडपका कारण दिनभर नै तनावग्रस्त रह्यो । त्यस क्रममा एक जना आन्दोलनकारीको मृत्युसमेत भएको छ भने थुप्रै आन्दोलनकारी र प्रहरी घाइते भएका छन् । तर, नयाँदिल्ली प्रहरी र आन्दोलनरत पक्षबीचको नियमित संवाद र संयमले थप क्षति भने भएन । गणतन्त्र दिवसका अवसरमा राजधानी नयाँदिल्लीको इन्डिया गेटमा विभिन्न झाँकी र सेनाको परेडसहितको भव्य कार्यक्रम चलिरहेका बेला त्यहाँबाट केही किलोमिटरको दूरीमा किसानहरूले सरकारको विरोधमा र्‍याली निकालेका हुन् । मोदी सरकारले पाँच महिनाअघि ल्याएको कृषि कानुनको विरोधमा आन्दोलनरत ४० वटा किसान संगठनहरूले गणतन्त्र दिवसकै दिन ट्र्याक्टर र्‍याली निकाल्ने पूर्वघोषित कार्यक्रमअनुसार नै मंगलबार उक्त र्‍याली…

27 Jan

विश्‍वभर कोरोना संक्रमितको संख्या १० करोड नाघ्यो

Editor0 CommentsNorth-East

विश्वव्यापी महामारी कोरोना भाइरसबाट संक्रमित हुनेको संख्या १० करोड नाघेको छ । पछिल्ला दिनमा बेलायतलगायत युरोपेली मुलुकमा तीव्र रुपमा नयाँ स्वरूपको कोरोना भाइरस फैलिइरहेकाले पनि संक्रमितको संख्या बढिरहेको छ । यो समाचार तयार पार्दासम्म जोन्स होप्किन्स विश्वविद्यालयको कोरोना भाइरस रिसोर्स सेन्टरको तथ्यांकअनुसार विश्वभर कोरोना भाइरसबाट संक्रमित हुनेको संख्या १० करोड २ लाख २१ हजारभन्दा बढी पुगेको छ । त्यस्तै कोरोनाबाट विश्वभर मृत्यु हुनेको संख्या २१ लाख ५५ हजारभन्दा बढी पुगेको छ भने करिब ५ करोड ५३ लाख संक्रमणमुक्त भएका छन् । विश्वकै करिब २५ प्रतिशत संक्रमित अमेरिकामा रहेका छन् । बुधबार बिहानसम्म अमेरिकामा कोरोना संक्रमितको संख्या करिब २ करोड ५४ लाख पुगेको छ ।…

27 Jan

ट्रम्पले खोले फ्लोरिडामा पूर्वराष्ट्रपतिको कार्यालय

Editor0 CommentsNorth-East

अमेरिकाका पूर्वराष्ट्रपति डोनाल्ड ट्रम्पले आफ्नो गृहराज्य फ्लोरिडामा पूर्वराष्ट्रपतिको कार्यालय स्थापना गरेका छन् । फ्लोरिडाको पाल्म बिचमा मंगलबार उनले कार्यालय स्थापना गरेका स्थानीय सञ्चारमाध्यमले जनाएका छन् । ‘कार्यालयबाट ट्रम्पले पूर्वराष्ट्रपतिको रूपमा गर्ने सार्वजनिक भूमिका र गतिविधिहरू सञ्चालन हुने’ उनका सहयोगीहरूले जनाएका छन् । कार्यालयबाट पत्र तथा वक्तव्यहरू आदानप्रदान गर्ने, बैठक तथा भेटवार्ता गर्ने, औपचारिक सम्पर्क गर्नेलगायत कार्य हुने पनि ट्रम्पका सहयोगीहरूको भनाइ छ । त्यसैगरी, ट्रम्प कार्यकालमा भए/गरेका कार्यहरूको समीक्षा तथा निरन्तर चासो राख्ने र त्यसलाई थप संस्थागत गर्ने कार्यमा पनि कार्यालयबाट गतिविधिहरू सञ्चालन हुने जनाइएको छ । अमेरिकी राष्ट्रपति जो बाइडेन प्रशासनले गरेका कार्यप्रति टिप्पणी गर्ने र त्यसविरुद्ध जनमत जुटाउने रणनीतिसमेत कार्यालयले अपनाउने अनुमान…

27 Jan

चीन र न्युजिल्यान्डबीच स्वतन्त्र व्यापार सम्झौता

Editor0 CommentsNorth-East

चीन र न्युजिल्यान्डबीच स्वतन्त्र व्यापार सम्झौता भएको छ । दुई मुलुकले १२ वर्षअघिको स्वतन्त्र व्यापार सम्झौतालाई अद्यावधिक गरी मंगलबार नयाँ सम्झौता गरेका हुन् । न्युजिल्यान्डको छिमेकी अस्ट्रेलियासँगको व्यापारिक सम्बन्ध बिग्रँदै गएका बेला चीनले उक्त सम्झौता गरेको हो । चिनियाँ वाणिज्यमन्त्री वाङ वेन्ताओ र उनका न्युजिल्यान्डका समकक्षीले सम्झौतामा भिडियो लिंकमार्फत हस्ताक्षर गरेका हुन् । सम्झौताले दुवै मुलुकका नागरिकलाई अझ बढी लाभ पुर्‍याउने बताइएको छ । सन् २००८ मा चीन र न्युजिल्यान्डबीच स्वतन्त्र व्यापार क्षेत्रमा सम्झौता भएको थियो । चीनले कुनै विकसित मुलुकसँग गरेको यो पहिलो स्वतन्त्र व्यापार सम्झौता थियो । नयाँ सम्झौताका लागि विगत ३ वर्षदेखि दुवै मुलुकका अधिकारीहरूबीच वार्ता भइरहेको थियो । क्षेत्रीय विस्तृत आर्थिक साझेदारीका…