Mizoram

दुई राज्यका प्रहरीबीच गत साता सोमवार गोली हानाहान हुँदा आसामका छ प्रहरीको मृत्यु भएको थियो तथा अधिकारीसहित अन्य ८० जना घाइते भएका थिए। आसाम सरकारद्वारा जारी भएको यात्रासम्बन्धी सूचनामा मिजोरमका मानिसहरू स्वचालित अस्त्र बोकेर सीमामा देखिएको उल्लेख छ। त्यसैले "निजी सुरक्षा"को कारण देखाउँदै मिजोरममा बसोबास गर्ने आसामीहरूलाई अत्यन्त सावधान हुन भनिएको थियो। दुवै पक्षका अधिकारीहरूले एकअर्कालाई हिंसात्मक स्थिति उत्पन्न गराएको दोष लगाएका थिए। तर एक सातापछि विवाद केही मत्थर हुन लागेको सङ्केत देखिएको छ। यसअघि मिजोरमले आसामलाई सीमामा प्रहरी परिचालन गरेको आरोप लगाउँदै सङ्घीय सरकारलाई हस्तक्षेप गर्न आग्रह गरेको थियो। आसामले सीमाबाट सुरक्षाकर्मी फिर्ता गरेको तर मिजोरमले त्यसो गर्न बाँकी भएको बताएको…