Editor

अमेरिकाको मिनियापोलिस सिटी काउन्सिलले जर्ज फ्लोयडको परिवारलाई २ करोड ७० लाख अमेरिकी डलर(करिब ३ अर्ब १३ करोड नेपाली रुपैयाँ) दिने भएको छ । मिनियापोलिस प्रशासन र पीडित परिवारबीच यो सहमति भएको हो । मिनियापोलिस सिटी काउन्सिलले उक्त घटनाको मुद्दाको सुनुवाइ सुरु हुनुभन्दा पहिले नै सर्वसम्मतिले २ करोड ७० लाख डलरको सम्झौतलाई स्वीकृति दिएको हो । प्रहरी अधिृकत डेरेक चौभिनले घुँडाले थिचेपछि गत मे महिनामा फ्लोयडको मृत्यु भएको थियो । प्रहरीले फ्लोइडमाथि गरेको अत्याचारको भिडियो विश्वभर चर्चित भएको थियो । उक्त घटनापछि अमेरिकामा मात्रै होइन, विश्वका अधिकांश मुलुकमा पनि ब्ल्याक लाइभ्स म्याटर आन्दोलन चर्किएको थियो । प्रहरी अधिकृत चौभिनविरुद्धको मुद्दाको सुनुवाइका लागि ज्युरी छनोट प्रक्रिया जारी छ ।…

चीनको संसद्ले हङकङको चुनावी प्रणाली बदल्ने योजना पारित गरेको छ । चीनको नेसनल पिपुल्स कंग्रेस (एनपीसी) ले बिहीबार ‘हङकङमा शासन गर्ने देशभक्तहरू’ संकल्प प्रस्ताव पारित गरेको हो ।  चुनावी प्रणालीसम्बन्धी एनपीसीले पारित गरेको प्रस्तावअनुसार केही महिनाभित्र नयाँ कानुन ल्याइने जनाइएको छ । यो व्यवस्थाले हङकङमा लोकतान्त्रिक प्रतिनिधित्व घटाउने र बेइजिङनिकटलाई निर्वाचित गर्न सहज हुनेछ । यूकेबाट सन् १९९७ मा स्वतन्त्र हुँदा हङकङ ‘एक देश दुई प्रणाली’ अनुसार सञ्चालन हुने व्यवस्था गरिएको थियो । तर उक्त सहमति उल्लंघन गर्दै चीनले विपक्षीहरूलाई दबाउने रणनीति लिएको आलोचकहरूको भनाइ छ । यूकेबाट स्वतन्त्र हुँदाका बेला गरिएको सहमतिमा हङकङले आफ्नै कानुनी व्यवस्था जारी राख्न तथा वाक् तथा प्रेस स्वतन्त्रतासहितका अधिकारहरू उपभोग…

थाइल्यान्डले एस्ट्राजेनेका र अक्सफोर्ड विश्वविद्यालयले संयुक्त रुपमा बनाएको कोरोना खोपको प्रयोगमा अस्थायी रुपमा रोक लगाएको छ । थाइल्यान्डका प्रधानमन्त्री प्रयुत चान ओ चा तथा केन्द्रीय मन्त्रीहरुले शुक्रबार खोप लगाएर मुलुकभर कोरोना खोप अभियान सुरु गर्ने योजना थियो । तर एस्ट्राजेनेका–अक्सफोर्ड कोरोना खोप लगाएका व्यक्तिको शरीरमा रगत जम्ने(ब्लड क्लटिङ) को समस्या देखिएको केही रिपोर्ट सार्वजनिक भएका कारण उक्त अभियान हाललाई रोकिएको बताइएको छ । थाई स्वास्थ्य मन्त्रालयद्वारा जारी पत्रकार सम्मेलनमा सिरिराज अस्पतालका चिकित्सा संकायका डिन प्रसित वातानापाले खोप अभियान अहिलेलाई रोकिएको जानकारी दिएका हुन् । डेनमार्क, नर्वे, आइसल्यान्डलगायतका केही युरोपेली मुलुकले यस खोपको प्रयोगमा अस्थायी रुपमा रोक लगाएका छन् । करिब ५० लाख युरोपेली…

म्यान्मारको सैनिक सरकारले लोकतन्त्रवादी नेत्री आङ सान सुचीविरुद्ध बिहीबार अर्को मुद्दा लगाएको छ । अन्तर्राष्ट्रिय सञ्चारमाध्यमका अनुसार सरकारमा रहँदा सुचीले गैरकानुनी रूपमा ६ लाख अमेरिकी डलर र सुन लिएको आरोप लगाइएको हो ।  सेनाले फेब्रुअरी १ मा सत्ता कब्जा गरेयता सुचीविरुद्ध लगाइएको यो सबैभन्दा गम्भीर आरोप हो । यद्यपि, उनीविरुद्धको आरोपसम्बन्धी कुनै प्रमाण भने सार्वजनिक गरिएको छैन । सुचीले करिब साढे ६ लाख बराबरको सुन स्वीकार गरेकी सहायक रथी ज मिन तुनको दाबी छ । तुनले राष्ट्रपति विन मिन्ट र कैयौं मन्त्रीहरूलाई पनि भ्रष्टाचारको आरोप लगाएका छन् । यसअघि सुचीलाई गैरकानुनी रूपमा सञ्चार उपकरण राखेको, आयातसम्बन्धी कानुन उल्लंघन गरेको लगायतका ४ वटा मुद्दा लगाइसकिएको छ । सेनाले…

भारतीय राज्य पश्चिम बंगालकी मुख्यमन्त्री ममता बनर्जी घाइते भएकी छन् । चुनावी मनोनयनका लागि बिहीबार नन्दीग्राम पुगेकी बनर्जीले आफूलाई ४/५ जनाले धकालेपछि लडेर घाइते भएको आरोप लगाएकी छन् ।  घटनापछि बनर्जीको खुट्टामा चोट लागेको छ । प्रहरीले घटनाबारे छानबिन सुरु गरिसकेको जनाएको छ । बनर्जी र उनको पार्टीले भौतिक आक्रमण भएको दाबी गरे पनि भाजपालगायत दलले यसलाई ‘बनर्जीको प्रोपोगान्डा’ भनेका छन् । घाइते भएपछि स्थानीय अस्पतालमा उपचार गराइरहेकी बनर्जीले एक भिडियो सन्देश जारी गर्दै हात र खुट्टामा चोट लागेको र छातीमा दुखाई महसुस भएको जनाएकी छन् । सन्देशमा उनले आफ्ना समर्थकहरूलाई ‘शान्ति कायम राख्न’ आग्रह गरेको भारतीय सञ्चारमाध्यमहरूले जनाएका छन् । उनले थप उपचारका लागि कोलकाता जाने…