कालेबुङ जिल्ला अस्पतालमा लामो समयदेखि रिचा इन्टरप्राइजेसकी जोती कार्कीको सञ्चालन तथा व्यवस्थापनसँग सम्बन्धित विषयलाई लिएर उठ्दै आएको विवाद फेरि चर्चामा आएको छ।
कालेबुङ केयरले कार्कीको करिब 15 वर्षको लामो कालो सासन कालको अन्त भएको बताएको छ भने सम्बन्धित विभिन्न विषयमा छानबिन तथा कारबाहीको माग गर्दै आफ्नो अभियान जारी राखेको जनाएको छ।
कालेबुङ केयरका प्रमुख बिकास छेत्रीले जोती कार्कीमाथि अस्पतालसँग सम्बन्धित विभिन्न विषयमा धाँधली गरेको आरोप लगाउँदै सम्बन्धित निकायले आवश्यक छानबिन गरी दोषी देखिए कारबाही गर्नुपर्ने माग गरेका छन्।
यसै क्रममा कार्कीले अस्पताल परिसरभित्र अवैध रूपमा घर निर्माण गरेको आरोप समेत लगाइएको छ। उक्त संरचनाको विषयमा छानबिन गरी अवैध ठहरिए घर हटाउनुपर्ने मागसमेत बिकास छेत्रीले गरेका छन्।
कालेबुङ केयरले अस्पतालको सम्पत्ति, व्यवस्थापन र सार्वजनिक स्रोतसँग सम्बन्धित विषयमा पारदर्शिता कायम हुनुपर्नेमा जोड दिँदै सम्बन्धित प्रशासन तथा अस्पताल व्यवस्थापनसमक्ष आवश्यक कदम चाल्न माग गरेको छ।
