विद्यालयबाट फर्किने क्रममा भएको सड़क दुर्घटनामा एकजना विद्यार्थीको ज्यान गएको छ। यो घटना फाँसीदेवाको घोषपुकुर-खोरीबाड़ी राज्य राजमार्गमा भएको हो। मृत विद्यार्थी घोषपुकुर निवासी तथा सेण्ट जोसेफ विद्यालयमा कक्षा चारमा अध्ययनरत ज्याकलिन जेजे हुन्। प्राप्त रिपोर्टहरूअनुसार विद्यालयपछि सड़क पार गर्ने क्रममा साग-सब्जी बोकेको एउटा ट्रकले ठक्कर दिँदा विद्यार्थीको घटनास्थलमै मृत्यु भयो। स्थानीय मानिसहरूले तुरुन्तै ट्रकलाई पछ्याएर रोके पनि चालक भने भाग्न सफल भएको बताइएको छ। सूचना पाएलगत्तै पुलिसले घटनास्थलमा पुगेर ट्रकलाई नियन्त्रणमा लिएको छ। साथै शवलाई उद्धार गरी पोष्टमर्टमका लागि उत्तर बङ्गाल मेडिकल कलेज तथा अस्पताल पठाएको छ। घटनाले सम्पूर्ण क्षेत्र शोकमग्न बनेको छ।
