सिलगढी : उत्तर बंगाल विश्वविद्यालयमा पहिलो पटक एनबीयू कार्निवल आयोजना गरिएको छ। यो कार्निवल बुधबार बिहान ११ बजेबाट सुरु हुनेछ। सिलगढी संलग्न उत्तर बङ्गाल विश्वविद्यालयमा आयोजित एनबीयू कार्निवलमा करिब ८० स्टलहरू राखिएका छन्, यस स्टलमा विश्वविद्यालयका विद्यार्थीहरूले पनि स्टलहरू राखेका छन्।
विद्यार्थीले आफ्नै हातले बनाएका खानेकुराका साथै विभिन्न सामग्री बिक्री गर्ने स्टल राखेका छन् । यसबाहेक सिलगढी र नजिकैका किसानहरूले पनि यहाँ स्टलहरू राखेका छन्। यससँगै छिमेकी राष्ट्र नेपाल र भुटानका स्टलहरू यहाँ राखिएका छन्। कार्निवल विश्वविद्यालयलाई केन्द्रित गरी चारैतिर सजाइएको छ। यससँगै दिनभर विभिन्न सांस्कृतिक कार्यक्रमको आयोजना गरिएको छ।
