भीआईले ग्राहकहरूको सुरक्षा गर्न एआई सञ्चालित स्पाम एसएमएस डिटेक्शन समाधान प्रस्तुत गरेको छ। यस समाधानले परीक्षण चरणमै 24 मिलियनभन्दा अधिक स्पाम एसएमएसहरूको पत्तो लगाइसकेको छ। यसले ढाँचागत पहिचान साथै स्वचालित नियम निर्माणको प्रयोग गरेर सम्भावित स्पाम एसएमएसहरूको सक्रिय रूपमा पत्तो लगाउने र स्पाम सन्देशहरूबारे सतर्क गराउने कार्य गर्दछ।
भोडाफोन आइडिया लिमिटेडका सीटीओ जगबीर सिंहले भने, भीआईको एआई सञ्चालित स्पाम पत्तो लगाउने प्रविधिले सक्रिय रूपमा रियल टाइम सुरक्षा प्रदान गरेर ग्राहकहरूको सुरक्षाप्रति आफ्नो प्रतिबद्धतालाई थप दह्रो बनाएको छ। यस प्रणालीले लाखौँ उदाहरणहरूमा तालिम प्राप्त एआई अल्गोरिदमहरूको प्रयोग गरेर आउने एसएमएसहरूको लगातार विश्लेषण गर्दछ, सम्भावित जोखिमहरूको पहिचान गर्दछ अनि सन्देशहरूलाई शङ्कास्पद स्पाम भनेर चिन्ह लगाई प्रयोगकर्ताहरूलाई तुरुन्तै सतर्क गराउँछ।
भीआईको मेसिन लर्निङ प्रणालीले नयाँ स्पाम प्रवृत्तिहरूसँग अनुकूलित हुँदै यसको सटीकता र प्रभावकारिता लगातार सुधार गर्छ। यस सेवाले सम्भावित जोखिमपूर्ण स्पामबारे सतर्क गराएर प्रयोगकर्ताहरूलाई फिशिङ र स्क्याम प्रयासहरूबाट जोगाउँछ। यो सेवा निरन्तर चलिरहन्छ र प्रयोगकर्ताहरूले कुनै सेटअप, एप्लिकेशन इन्स्टलेशन वा भुक्तान गर्नु पर्दैन।
