तृणमूलको तर्फबाट चिया बगानका मजदुरहरूको भविष्य निधिको मुद्दामा भाजपा विधायक र सांसदहरूको घरमा विरोध कार्यक्रम सुरु भएको छ। शुक्रबार बिहानैदेखि मदारीहाटको कुमारग्रामस्थित काल्चिनीमा भाजपा विधायकको घर अगाडि इन्ट्टकले विरोध कार्यक्रम सुरु गरेको हो । काल्चिनीमा विधायक विशाल लामाको घर अगाडि, विधायक मनोजकुमार ओरानको कुमारग्रामको घर अगाडि, मदारीहाटमा विधायक मनोज तिग्गाको घर अगाडि विरोध कार्यक्रम गरिएको थियो । आज बिहान तृणमूलका नेता तथा कार्यकर्ताहरू काल्चिनी भाटपारा चिया बगानमा भाजपा कल्चिनीका विधायक विशाल लामाको घर घेराउ गर्न पुगेका थिए ।
तर उनलाई भाजपा कार्यकर्ता र समर्थकहरूले रोकेका थिए। पछि, तृणमूल नेतृत्वले विधायक विशाल लामाको घरबाट केही दूरीमा धर्ना दिए, जहाँ भाजपा कार्यकर्ता र समर्थकहरूले पनि विरोध गरे। हाल भाजपा विधायक विशाल लामा र कार्यकर्ता समर्थकहरू तृणमूलको विरोध स्थलमा धर्नामा बसेका छन्। घटनालाई लिएर क्षेत्रमा निकै तनाव छ । उक्त क्षेत्रमा प्रहरी परिचालन गरिएको छ ।
