भारतमा कोरोना भाइरसको नयाँ भेरियन्ट ‘ओमिक्रोन’ संक्रमितको संख्या दुई सय पुगेको छ । संक्रमितमध्ये ७७ जना निको भइसकेका छन् ।
भारतको केन्द्रीय स्वास्थ्य मन्त्रालयका अनुसार ओमिक्रोनका संक्रमित सबैभन्दा बढी दिल्ली र महाराष्ट्रमा भेटिएका छन् । दुवै स्थानमा ५४–५४ जनामा ओमिक्रोन संक्रमण पुष्टी भएको मन्त्रालयले जनाएको छ ।
यस्तै, तेलंगानामा २० र कर्नाटकमा १९ जनामा ओमिक्रोन संक्रमण पुष्टी भइसकेको छ ।
दिल्लीका मुख्यमन्त्री अरबिन्द केजरीवालले ओमिक्रोनको सामना गर्न सबै तयारी गरिसकिएको बताएका छन् । उनले केन्द्र सरकारसँग बुस्टर डोजको अनुमति दिन पनि अपिल गरेका छन् ।
