28
Aug
भारतको छौडादानोस्थित एक अर्केस्ट्राबाट ७ नेपाली युवतीको उद्धार गरिएको छ । उनीहरुलाई उद्धार गरेर वीरगन्ज ल्याइएको छ । मानव बेचबिखन नियन्त्रणमा सक्रिय संस्था आफन्त नेपालको वीरगन्ज शाखा र पर्सा प्रहरीको संयुक्त टोलीले ७ युवतीलाई उद्धार गरेर भदौ ९ गते वीरगन्ज ल्याएको हो । करिब एक महिनाअघि पनि सोही ठाउँबाट ४ नेपाली युवतीलाई उद्धार गरी ल्याइएको थियो । उद्धार गरिएकाहरु उदयपुर, कास्की, बाग्लुङ, नवलपरासी, सुनसरी र पर्सा जिल्लाका हुन् । १८ देखि २७ वर्ष उमेर समूहका ती युवतीलाई छौडादानो स्थित पायल अर्केस्टाबाट उद्धार गरिएको जिल्ला प्रहरी कार्यालयका प्रवक्ता डिएसपी ओमप्रकाश खनालले जानकारी दिए । यस मिसनमा भारतीय प्रहरीको सहयोग रहेको उनले बताए । खनालका अनुसार भारतको छौडादानो नगर…