30
Sep
हिमालय एयरलाइन्सले शिक्षातर्फको सहयोगी हात बढाउँदै प्रयास नेपाललाई वर्षभरि आवश्यक पर्ने शैक्षिक सामाग्री प्रदान गरेको छ। आज सम्पन्न एक कार्यक्रमबीच हिमालयका पदाधिकारीहरुले संस्थालाई आवश्यक पर्ने स्टेशनरी, नोट–बुक्स्, रजिष्टर, कलम र विभिन्न कक्षाका विद्यार्थीहरुका लागि पाठ्य पुस्तकहरु प्रदान गरेका हुन्। हिमालयले निरन्तर पाँचौ वर्षका लागि सामाग्री सहयोग गरेको हो। प्रयास नेपाल ३ जना फरक क्षमता भएका विद्यार्थीहरुका साथ २६ जना वालवालिकाहरु रहेको एक अनाथालय हो। हिमालय एयरलाइन्सकी ब्राण्ड तथा सेवा सुधार विभाग प्रमुख उज्ज्वला दलीले प्रयास नेपालका विद्यार्थीहरुको उज्ज्वल भविष्य, शिक्षा दीक्षा र प्रयास नेपालसँगको सहकार्यलाई जीवन्त राख्न संस्थागत सामाजिक उत्तरदायित्वतर्फ हिमालय सदा दृढ रहने बताइन्।