विद्यालयका विद्यार्थीहरूलाई पढाइसँगै खेलकुदतर्फ प्रोत्साहन गर्न कञ्चनजङ्घा रंगशालामा आजदेखि दुईदिने क्यारम प्रतियोगिता सुरु भएको छ । सिलगढी जिल्ला क्यारम (२९) संघद्वारा दुईदिने स्कूल क्यारम प्रतियोगिता-२०२४ (सिलगढी मेयर कप) आयोजना गरिएको छ।
मेयर कपको उद्घाटन मेयर गौतम देवले दीप प्रज्वलन गरी गरेका थिए ।खेलकुद परिषद्का सचिव स्वपन दास, रेफ्री तथा अम्पायर संघका सचिव राना दे सरकार, जिल्ला क्यारम संघका सचिव सञ्जीव घोषको उपस्थिति थियो । सिलगढी नगरपालिकाका १५ विद्यालयका करिब सय विद्यार्थीले ८ क्यारम बोर्डमा खेल खेल्नेछन् ।
उद्घाटन समारोहमा बोल्दै मेयर गौतम देवले आगामी वर्ष इन्डोर रंगशालामा प्रतियोगिता आयोजना गरी ठुलो स्तरमा हुने बताए । बालिकाहरुलाई खेलकुदतर्फ आकर्षित गर्न पहल भइरहेको छ ।
