मङ्गलवार नक्सलबारी पुलिस थाना भीषण आगलागीको साक्षी बन्यो। थानाको पछाड़ि जफत गरेर राखिएका धेरै मोटरसाइकल आगोमा जलेर खरानी भएका छन्। उक्त घटनाले क्षेत्रमा ठूलो हलचल मच्चायो।
प्रत्यक्षदर्शी र पुलिस सूत्रअनुसार उक्त दिन अचानक थानाको पछाड़िको भागमा अचानक धुवाँ र आगोको ज्वाला देखियो। उक्त स्थानमा मुख्यतः पुलिसले जफत गरेको सयौँ वाहनहरू राखिएको थियो। आगो यी तीव्र थियो कि केही क्षणमै पङ्क्तिबद्ध ढङ्गले राखिएका मोटरसाइकलहरूमा जलेर खरानी भए। तुरुन्तै नक्सबारी दमकल केन्द्रमा खबर गरियो। खबर पाउन साथ दमकलका दुईवटा इञ्जिन घटनास्थलमा आइपुगे। त्यसपछि पुलिस र दमकलकर्मीहरूको लगभग आधा घण्टाको प्रयासपछि आगो नियन्त्रणमा ल्याइयो। तर त्यतिञ्जेलसम्म लगभग 20 वटा मोटरसाइकल पूर्ण रूपमा जलेर नष्ट भइसकेका थिए। पुलिसको प्रारम्भिक अनुमान अनुसार कुनै वाहनको ब्याट्रीबाट सर्ट सर्किट भई यो आगलागी भएको हो। तर यसको पछाड़ि अन्य कुनै कारण छ कि छैन भनेर अधिकारीहरूले जाँच गरिरहेका छन्।
उल्लेखनीय छ, जहाँ यो आगलागी भएको थियो त्यस स्थानको पर्खालसितै नन्द प्रसाद हाई स्कूल र नक्सलबारी ग्रामीण अस्पताल छन्। त्यसैले थानामा आगलागी भएको खबर फैलिन साथ विद्यार्थी र रोगीहरूमा त्रास फैलिएको थियो। तर दमकलको तत्परताका कारण आगो मुख्य भवन वा नजिकका संस्थाहरूमा फैलिन सकेन जसले ठूलो दुर्घटना हुनबाट जोगाएको छ।
