युक्रेनमा रुसको आक्रमणपछि उत्पन्न भइरहेको मानवीय संकटबारे यूएन जेनेरल एसेम्बली र सुरक्षा परिषदको मस्यौदा प्रस्तावमा मतदान हुने सम्भावना रहेको बेला भारतीय विदेश सचिव हर्षवर्द्धन श्रृङ्ला न्यूयोर्क पुगेका छन्। भारत हाल राष्ट्रसंघ सुरक्षा परिषदको अस्थायी सदस्य राष्ट्र हो। यूएन एसेम्बलीले युक्रेनको अवस्थाबारे दुईवटा प्रतिद्वन्द्वी मस्यौदा प्रस्तावहरू अघि सारेको केही घण्टाअघि श्रृङ्ला अमेरिका पुगेका थिए।
युक्रेन संकटमा भारतले आफ्नो अड़ान परिवर्तन गर्न बढ्दो दबाउलाई ध्यानमा राख्दै न्यूयोर्कमा श्रङ्लाको उपस्थिति महत्त्वपूर्ण छ। किनभने सोमवार, अमेरिकी राष्ट्रपति जो बाइडेनले नाटो र क्वाडको “यूनाइटेड फ्रण्ट” युक्रेनविरुद्ध रूसी आक्रमणमा उभिएको अनि “सम्भावित अपवाद” भारतको साथ रहेको मन्तव्य व्यक्त गरेका छन्।
अमेरिकी राष्ट्रपतिको विचारको विपरीत रुस र युक्रेनबीच चलिरहेको युद्धमा भारतीय विदेश मन्त्रालयले जसरी कदम चालेको छ, त्यसको विश्वले प्रशंसा गरिरहेको छ। केही दिन अघि, खैबर-पख्तुनख्वा प्रान्तमा एक सार्वजनिक र्यालीमा पाकिस्तानका प्रधानमन्त्री इमरान खानले स्वतन्त्र विदेश नीति अपनाएकोमा भारतको प्रशंसा गर्दै युक्रेनमा सशस्त्र द्वन्द्वका लागि मस्कोमाथि अमेरिकी प्रतिबन्धका बाबजुद नयाँ दिल्लीले रूसबाट काँचो तेल आयात गर्ने निर्णय गरेको बताए। यसको जवाफमा विदेश सचिव हर्षवर्द्धन श्रृङ्लाले भने, भारतको विदेश नीति निर्णयहरूको विगतको रेकर्ड राष्ट्रहरूले बारम्बार प्रशंसा गर्ने प्रमाण हो। उनले थपे, “मेरो मतलब, एक व्यक्तिले भन्नु (यो भने) गलत हुनेछ। मलाई लाग्छ हामीले प्रधानमन्त्रीको स्तरमा हाम्रा धेरै विदेश नीति पहलहरूको लागि बोर्डमा प्रशंसा पाएका छौं। हाम्रो रेकर्ड आफैं बोल्छ भन्ने मलाई लाग्छ।
