11
Jul
सिलगढ़ी महकुमाअन्तर्गत फाँसीदेवा ब्लकको ज्योतिनगर गाउँमा दिउँसै महिलाको घिच्रोदेखि सुनको गहन लुटिएको घटना सार्वजनिक भएको छ। स्थानीय सूत्रअनुसार शुक्रवार एक महिला फूल टिपेर घर फर्कँदै थिइन्। त्यसै बेला अचानक मोटरसाइकलमा आएका दुईजना युवकले महिलाको घिच्रोमा सुनको गहना थुतेर सुइँकुच्चा ठोके। घटना यति छिटो भयो कि महिलाले केही बुझ्न नपाउँदै ती अपराधीहरू भागिसकेका थिए।गहना लुटिएपछि आत्तिएकी महिलाले हतार-हतार घर पुगेर परिवारलाई घटनाबारे जानकारी गराइन्। त्यसपछि स्थानीय वासिन्दाहरू घटनास्थलमा पुगेर घरनजिकै रहेको एक सीसीटिभी फूटेज हेर्दा दुईजना युवकहरूले मोटरसाइकलमा आएर गहना लुटेका देखियो।यस घटनापछि पीड़ित परिवारले फाँसीदेवा थानामा प्राथमिकी दर्ता गरेकी छन्। यति बेला पुलिसले सीसीटिभी फूटेजको आधारमा जाँच आरम्भ गरेको छ।…
