North-East - Purbottar Nepali

26 Feb

कपिलवस्तु, रूपन्देही र पाल्पामा पनि बाघ

Editor0 CommentsNorth-East

हालैको एक अध्ययनले कपिलवस्तु, रूपन्देही र पाल्पामा समेत बाघ रहेको पुष्टि गरेको छ । राष्ट्रपति चुरे तराई मधेस संरक्षण विकास समिति र राष्ट्रिय प्रकृति संरक्षण कोष (एनटीएनसी) ले संयुक्त रूपमा चुरे क्षेत्रमा गरेको अध्ययनले यस्तो देखाएको हो । ती जिल्लामा पहिलोपटक एक भाले र एक पोथी बाघ क्यामेरा ट्य्रापमा रेकर्ड भएका हुन् । ‘बुटवलबाट उत्तर पश्चिमतिरको जंगलमा सन् २००८, २००९, सन् २०१३ र २०१८ मा बाघ र बाघका आहारा प्रजाति गणना गर्दा बाघ रेकर्ड भएको थिएन,’ भर्खरै सार्वजनिक ‘रिपोर्ट अन फाउना डाइभरसिटी इन चुरे रिजन अफ नेपाल’मा भनिएको छ, ‘समग्र चुरे क्षेत्रमा ४१ प्रजातिका स्तनधारी वन्यजन्तु क्यामेरा ट्य्रापमा रेकर्ड भएका…

26 Feb

म्यान्मारमा सेना समर्थितद्वारा प्रदर्शनकारीमाथि आक्रमण

Editor0 CommentsNorth-East

म्यान्मारमा लोकतन्त्र पक्षधरहरूले निकालेको विरोध र्‍यालीमा सेना समर्थितहरूले आक्रमण गरेका छन् । सैनिक ‘कु’ को विरोधमा बिहीबार यांगुनमा निकालिएको विरोध र्‍यालीमा सेना समर्थित व्यक्तिहरूले चक्कु, रड र ढुंगामुढा प्रहार गरेका हुन् । जसबाट केही व्यक्ति घाइते भएका छन् तर उनीहरुको संख्या र अवस्थाबारे केही खुलाइएको छैन । फेब्रुअरी १ मा सेनाले सत्या हत्याएपछि बन्धक बनाइएका नेताकोरिहाइ र जननिर्वाचित सरकार पुनःस्थापनाको माग गर्दै यहाँका सबैजसो सहरमा प्रदर्शन भइरहेको छ । बिहीबार सेना समर्थित समेत प्रदर्शनमा उत्रिएका थिए । सोही क्रममा आफ्ना विरोधीमाथि आक्रमण गरिएको बताइएको छ । उता विद्यार्थीले भने आफूहरूको शान्तिपूर्ण विरोध प्रदर्शनलाई हिंसात्मक बनाउने उद्देश्यले झन्डै एक हजार सैनिक समर्थकलाई खटाइएको दाबी गरेका छन् । ‘आजको…

26 Feb

सामाजिक सञ्जाल नियमन गर्दै भारत

Editor0 CommentsNorth-East

भारतले सामाजिक सञ्जाल र डिजिटल सामग्रीलाई नियमन गर्ने गरी नयाँ कानुन ल्याउने भएको छ । आगामी ३ महिनाभित्रै त्यस्तो कानुन कार्यान्वयनमा आउने केन्द्रीय कानुनमन्त्री रविशंकर प्रसाद र सञ्चारमन्त्री प्रकाश जाबेडकारले बिहीबार पत्रकार सम्मेलनमार्फत जनाए । सामाजिक सञ्जालहरूले भारतमा राम्रै व्यापार गरिरहेको उल्लेख गर्दै मन्त्री प्रसादले पछिल्लो केही समययता यस्ता प्लेटफर्मलाई गैरजिम्मेवार रूपमा प्रयोग गरिएको गुनासा धेरै आइरहेको बताए । हिंसालाई बढावा दिने, अश्लील सामग्री सेयर गर्ने, दोस्रो देशका नागरिकका सामग्रीको प्रयोग गर्नेजस्ता गुनासा आएकाले त्यसलाई हटाउन उक्त कानुन ल्याउन लागिएको उनको भनाइ छ । उनका अनुसार सामाजिक सञ्जाल कम्पनीहरूले गुनासो सुन्ने संयन्त्र बनाउनुपर्नेछ । प्रयोगकर्ताको गरिमालाई मध्यनजर गर्दै कुनै गुनासो आएमा २४ घण्टाभित्र त्यस्ता…

26 Feb

दक्षिण कोरियामा आजदेखि खोप अभियान

Editor0 CommentsNorth-East

दक्षिण कोरियाले शुक्रबारदेखि कोभिड–१९ विरुद्धको खोप अभियान सुरु गर्ने भएको छ । पहिलो चरणअन्तर्गत १० लाख मात्रा खोप दिइन लागिएको कोरियाली रोग नियन्त्रण तथा रोगथाम केन्द्र (केसीडीसी) ले जनाएको छ । चार दिनसम्म चल्ने यो अभियानमा देशैभरका ६५ वर्षभन्दा कम उमेर समूहका २ लाख ८९ हजार स्वास्थ्यकर्मी र कोभिड–१९ संक्रमित सामेल हुनेछन् । यसका लागि १९ सयभन्दा बढी खोप केन्द्र तोकिएको छ । स्थानीय कम्पनी एसके बायोसाइन्सले अस्ट्राजेनेकासँगको सहकार्यमा कोरियामै उत्पादन गरिरहेको खोप नै प्रयोगमा ल्याउन लागिएको हो । सरकारले फाइजर कम्पनीसँग किनेको खोप पनि बिहीबार नै कोरिया आइपुगेको छ । सरकारले हालसम्म विभिन्न कम्पनीसँग गरी १० करोडभन्दा बढी मात्रा खोप किन्ने सहमति गरेको जनाएको छ ।…

26 Feb

कोरोना भाइरस खोप: ईयूमा ‘भ्याक्सिन पासपोर्ट’ चलाउन आग्रह

Editor0 CommentsNorth-EastCoronavirus

ग्रीस र अस्ट्रियाले युरोपेली सङ्घ (ईयू) का अन्य सदस्य राष्ट्रलाई कोरोनाभाइरस 'भ्याक्सिनेसन पासपोर्ट' अर्थात् 'खोप राहदानी' स्विकार्न आह्वान गरेका छन्। त्यसले महामारीका कारण जर्जर बनेको युरोपको पर्यटन उद्योग उकासिने उनीहरूको तर्क छ। ती देशहरूले युरोप यात्रा गर्नका लागि एउटा प्रमाणपत्र जस्तै खोप लगाएको प्रमाणित हुने कागजलाई अनुमति दिन प्रस्ताव राखेका हुन्। उनीहरूका प्रस्तावमा खोप लगाइसकेकाले त्यसको प्रमाण देखाएका आधारमा युरोपभरि विना रोकतोक घुम्न पाउनेछन्। ईयू नेताहरूबीच भएको एउटा भर्चुअल छलफलमा उक्त प्रस्ताव प्रस्तुत गरिएको थियो। तर 'भ्याक्सिन पासपोर्ट'लाई उक्त सङ्गठनका केही देशहरूको विरोधको सामना गर्नुपर्‍यो। अविश्वास फ्रान्स र जर्मनीले त्यस्तो प्रमाणपत्र अहिलेका लागि अपरिपक्व हुने बताएका छन्। उनीहरूका तर्कमा खोप…

26 Feb

श्रीलङ्काका कारागारमा रहेका २६ जना नेपाली महिला तत्काल छुट्ने सम्भावना

Editor0 CommentsNorth-Eastnepali woman, release n, srilanka

विगत १० महिनादेखि श्रीलङ्काका कारागारमा रहेका २६ जना नेपाली महिला तत्काल छुट्ने सम्भावना नरहेको श्रीलङ्कास्थित नेपाली दूतावासले जनाएको छ। विभिन्न मुलुक जाने क्रममा ट्रान्जिटका रूपमा श्रीलङ्काको बाटो प्रयोग गरेका ती महिलालाई श्रीलङ्का प्रहरीले पक्राउ गरेको नेपाली दूतावासका तृतीय सचिव बालकृष्ण भण्डारीले बीबीसीलाई बताए। ती महिलालाई विभिन्न खाडी मुलुक लैजानका लागि एजेन्टको रूपमा काम गर्ने श्रीलङ्काली नागरिकलाई त्यहाँको प्रहरीले अदालतमा मुद्दा दायर गरेपछि प्रमाणका लागि नेपाली महिलालाई त्यहाँ राखिएको भण्डारीले बताए। उनले भने, "हामीले श्रीलङ्का सरकारसँग समन्वय गरिरहेका छौँ। अदालतले रिहा गर्ने आदेश नगरिन्जेल उनीहरूलाई छुटाउने सम्भावना न्यून छ।"

25 Feb

सेनाका पूर्व सुरक्षाकर्मीहरूले सुरक्षा कार्य पुनःबहालीको माग गर्न जुलुस गरे

Editor0 CommentsNorth-Easttmcp

तृणमूल कांग्रेस समर्थित श्रम संगठन इन्टुकले आन्दोलनलाई तीव्र पारेको छ र सेवानिवृत्त सेनाका कर्मचारीलाई सुरक्षाकर्मीको रूपमा नियुक्ति गर्न खोजेका छन। बिहीबार दिउँसो, यो मागको लागि संगठनले शहरमा एउटा विशाल र्यालि आयोजना गर्यो। शहरका विभिन्न मार्गहरूमा पुग्दा जिल्ला प्रशासनिक भवनको अगाडि पुगेको थियो। यहाँ संगठनका सदस्यहरूले उनीहरूको मागको बारेमा कडा प्रदर्शन गरे। सेनाका अवकाशप्राप्त सेनाका कर्मचारीले भने कि माल्दा मेडिकल कलेज र अस्पतालको सुरक्षा अभियानमा सेनाका पूर्व सैनिकहरुलाई खटाइएको थियो। यसका साथै सेनाका पूर्व कर्मचारीहरू पनि विभिन्न सरकारी र निजी प्रतिष्ठानहरूमा सुरक्षा काममा संलग्न थिए तर अवकाशप्राप्त भूतपूर्व सैनिकहरूलाई विभिन्न संस्थाहरूमा प्रतिस्थापित गरिएको छ र सुरक्षाकर्मीहरू ठेकेदार संस्थाहरूमार्फत नियुक्त गरिएको देखिन्छ।…

25 Feb

विश्‍वभर झन्डै साढे ४ करोडले लगाए कोरोना खोप

Editor0 CommentsNorth-East

पछिल्लो एक वर्षमा विश्वव्यापी महामारीको रूपमा फैलिएको कोरोना भाइरस संक्रमणले प्रायः सबै मुलुक र क्षेत्रलाई प्रभावित तुल्यायो । सन् २०१९ को डिसेम्बरमा चीनको वुहान सहरमा पहिलोपटक कोरोना संक्रमण पुष्टि भएयता हालसम्म विश्वका ११ करोड २२ लाखभन्दा बढी मानिस यसको चपेटामा परे । जसमध्ये ६ करोड ३४ लाख जना निको भइसकेका छन् । झन्डै २ सय देशका २४ लाख ९० हजार जनाको मृत्यु भएको छ । विश्वस्तरकै स्वास्थ्य सेवा भएका तथा आर्थिक रूपमा शक्ति सम्पन्न मुलुकहरू अमेरिका, भारत, ब्राजिल, बेलायत, रुसलगायत नै यसबाट बढी प्रभावित बने । यसका लागि धेरै जनसंख्या हुनु, समयमै स्वास्थ्य सावधानी नअपनाइनु तथा एकैपटक धेरैमा संक्रमण हुँदा जनशक्ति र स्वास्थ्य संयन्त्रले नधान्नुलाई…

25 Feb

कोभ्याक्सले थाल्यो खोप वितरण

Editor0 CommentsNorth-East

संयुक्त राष्ट्रसंघको कोभ्याक्स कार्यक्रमअन्तर्गत कोरोना भाइरसविरुद्धको खोप वितरण सुरु भएको छ । गरिब तथा अल्पविकसित मुलुकलाई लक्ष्य गर्दै विश्व स्वास्थ्य संगठन (डब्लूएचओ) ले कोभ्याक्सअन्तर्गत खोप उपलब्ध गराउने नीतिअनुरूप पहिलोपटक अफ्रिकी मुलुक घानामा खोप पठाइएको हो । युनिसेफ र डब्लूएचओले संयुक्त विज्ञप्तिमार्फत अक्सफोर्ड विश्वविद्यालय र एस्ट्राजेनेकाले उत्पादन गरेको ६ लाख मात्रा खोप आक्रास्थित अन्तर्राष्ट्रिय विमानस्थलमा बुधबार पुर्‍याइएको जनाएका छन् । उक्त खोप भारतस्थित सिरम इन्स्टिच्युट अफ इन्डियामा उत्पादन भएको हो । ‘कोरोना महामारीले थला पारेको झन्डै एक वर्षपछि घानाले यसविरुद्धको खोप प्राप्त गरेको छ । योसँगै यहाँका जनताको दैनिकीलाई पहिलेकै अवस्थामा फर्काउने कार्य सुरु भएको छ,’ विज्ञप्तिमा भनिएको छ । ३ करोड जनसंख्या भएको घानामा मंगलबारसम्म ८१…

25 Feb

भारतमा दोस्रो चरणको खोप अभियान

Editor0 CommentsNorth-East

भारतमा फागुन १७ देखि दोस्रो चरणको कोरोना संक्रमणविरुद्धको खोप अभियान सुरु हुने भएको छ । जसअन्तर्गत ६० वर्षभन्दा माथिका वृद्धवृद्धा र जटिल रोगबाट पीडित ४५ वर्ष माथिकालाई खोप लगाइनेछ । जटिल रोगअन्तर्गत क्यान्सर, मिर्गौला फेल भएका तथा मुटु रोग लागेकालाई समेटिने जनाइएको छ । दुवै समूहमा गरेर १० करोडभन्दा बढी नागरिक समेटिने छन् । सरकारी र निजी अस्पताल दुवैमा खोप उपलब्ध हुनेछ । यसका लागि १० हजार खोप केन्द्रहरू स्थापना गरिनेछन् । २० हजारभन्दा बढी निजी केन्द्रमा समेत खोप उपलब्ध हुने भारत सरकारले जनाएको छ । सरकारी खोप केन्द्रमा खोप निःशुल्क उपलब्ध हुनेछ भने निजी अस्पतालहरूमा भने शुल्क लाग्नेछ । कति शुल्क लाग्ने भन्ने तय भइसकेको छैन । यसबारे…