North-East - Purbottar Nepali

09 Mar

सगरमाथामा अनुमति बिना फोटो र भिडियो खिच्न नपाइने

Editor0 CommentsNorth-East

२०७६ वसन्तकालीन हिमाल आरोहण सिजनमा सगरमाथा चुचुरोमुनिको हिलारी स्टेपमा आरोहीहरूको भीड देखिने एउटा फोटो विश्वभर भाइरल भयो । नेपाली आरोही निर्मल पुर्जाले खिचेको उक्त फोटो ‘सगरमाथामा ट्राफिक जाम’ शीर्षकमा विश्वभरका दर्जनौं सञ्चारमाध्यमहरूको कभरेजमा पर्‍यो । उक्त तस्बिर छाप्ने न्युयोर्क टाइम्सलगायत अधिकांश विदेशी सञ्चारमाध्यमले नेपाल सरकारको आरोहणमा फितलो व्यवस्थापन भएको भनी आलोचना गरे । त्यसैताका बेलायत भ्रमणमा रहेका प्रधानमन्त्री केपी शर्मा ओलीले बीबीसी वर्ल्ड सर्भिसको स्टुडियोमा पनि यस विषयमा प्रश्न सामना गर्नुपर्‍यो । बीबीसीलाई प्रधानमन्त्री ओलीले ट्राफिक जाम हुने गरी त्यस वर्ष धेरै पर्वतारोहीलाई नेपाल सरकारले अनुमति नदिएको जिकिर गर्दै उक्त फोटो प्रोपोगान्डाका रूपमा आएको भनी खण्डन गरे । यसरी आरोहीहरूले सगरमाथा लगायतका…

09 Mar

‘सेना फिर्ता भए तालिवान शक्तिशाली’

Editor0 CommentsNorth-East

अफगानिस्तानबाट अमेरिकी तथा नेटो सैनिक फिर्ता गरिए तालिवानले पुनः सैन्य शक्ति आर्जन गर्न सक्ने अमेरिकी विदेशमन्त्री एन्थोनी ब्लिंकनले चेतावनी दिएका छन् । अमेरिकी पूर्वराष्ट्रपति डोनाल्ड ट्रम्प र तालिवान विद्रोहीबीच भएको सम्झौताअनुसार अप्रिल महिनाभित्र अमेरिकाले अफगानिस्तानबाट सेना फिर्ता गर्न सहमत भएको थियो । तर अफगान राष्ट्रपति असरफ घानीलाई लेखेको पत्रमा ब्लिंकनले ‘भयानक आक्रमण’ हुन सक्ने चेतावनी दिएका छन् । सन् २००१ मा अमेरिकी सेनाले अफगानिस्तानमा आक्रमण गर्दै तालिवानलाई सत्ताच्युत गरिदिएको थियो । २००१ को सेप्टेम्बर ११ मा अमेरिकाका वासिङटन र न्युयोर्कमा गरिएका आतंककारी आक्रमणको बदलामा अमेरिकी सेनाले अफगानिस्तानमा हमला गरेको थियो । अमेरिकी राष्ट्रपति जो बाइडेनले गत जनवरीमा ट्रम्प प्रशासन र तालिवानबीच भएको सम्झौताको पुनरावलोकन गर्ने…

09 Mar

ह्यारी र मेघनले खोले दरबार त्याग्नुको रहस्य

Editor0 CommentsNorth-East

राजपरिवारको वरिष्ठ सदस्यका रूपमा जिम्मेवारीबाट अलग्गिने घोषणा गरेर अमेरिका बस्दै आएको वर्ष दिनपछि बेलायती राजकुमार ह्यारी र उनकी श्रीमती मेघन मार्कल फेरि चर्चामा आएका छन् । अमेरिकी टेलिभिजन सीबीएसले आइतबार प्रसारण गरेको ओप्रा विन्फ्रीसँग ह्यारी–मेघनको विशेष अन्तर्वार्ताले विश्व फेरि तरंगित भएको हो । अन्तर्वार्तामा उनीहरूले शाही परिवारसँगको सम्बन्ध तथा रंगभेदी प्रतिक्रियाका कारण आफ्नो मानसिक स्वास्थ्यमा परेको प्रभावजस्ता विषयमा मुख खोलेका छन् । बेलायती टेलिभिजन च्यानल आईटीभीले उक्त अन्तर्वार्ता सोमबार राति प्रसारण गरेको छ । अन्तर्वार्तामा डचेस अफ ससेक्स मेघनले लगाएको सबैभन्दा ठूलो आक्षेपमा आफूहरूको जन्मिने बच्चा कति अश्वेत होला भन्ने बातचित शाही परिवारभित्र धेरै पटक भएको भन्ने छ । तर, अन्तर्वार्ताका क्रममा भने दुवैले राजपरिवारका…

09 Mar

इजरायलले खोज्यो नेपालको साथ

Editor0 CommentsNorth-East

इजरायलले अन्तर्राष्ट्रिय र बहुपक्षीय मञ्चहरूमा पनि नेपालसँग सहकार्य चाहेको उल्लेख गरेको छ । इजरायलले नेपालसँग द्विपक्षीय रूपमा आत्मीय र घनिष्ठ सम्बन्ध रहँदै आएको उल्लेख गर्दै अन्तर्राष्ट्रिय मञ्चहरूमा पनि त्यसैलाई निरन्तरता दिएको हेर्न चाहेको जनाएको हो । कान्तिपुरसँग कुराकानी गर्दै नेपालका लागि इजरायलका राजदूत हनन गोडरले दुई देशबीच सुमधुर सम्बन्ध रहेको बताए । उनले भने, ‘यही सम्बन्ध हामी बहुपक्षीय र अन्तर्राष्ट्रिय मञ्चहरूमा पनि हेर्न चाहन्छौं । जसले गर्दा हाम्रो सम्बन्धलाई थप उचाइमा पुर्‍याउनेछ ।’ इजरायलको स्थापना आधिकारिक रूपमा सन् १९४८ मार्च १४ मा भएको हो । अरूको भूभाग कब्जा गरेको भन्दै इजरायललाई विश्वका धेरै मुलुकले सुरुवातमा मान्यता दिएनन् । दक्षिण एसियामा इजरायललाई नयाँ मुलुकका रूपमा मान्यता दिने नेपाल पहिलो…

09 Mar

कोलकातामा रेल कार्यालयमा आगलागी, ९ जनाको मृत्यु

Editor0 CommentsNorth-East

भारतको कोलकातामा एउटा रेल कार्यालयमा आगलागी हुँदा ९ जनाको मृत्यु भएको छ । इस्टर्न रेलवेको कोलकातास्थित मुख्यालयमा सोमबार राति भएको आगलागीमा परी ९ जनाको मृत्यु भएको हो । १४ तले भवनको १३औं तलामा आगलागी भएको भारतीय सञ्चारमाध्यम द हिन्दूले जनाएको छ । सोमबार राति चार जना अग्निनियन्त्रकसहित ७ जनाको मृत्यु भएको थियो भने हराइरहेका २ जनाको शव मंगलबार बिहान भेटिएको थियो । सोमबार राति नै पश्चिम बंगालकी मुख्यमन्त्री ममता बनर्जी र कोलकाता प्रहरीका आयुक्त सौमेन मित्रा घटनास्थल पुगेका थिए । मुख्यमन्त्री बनर्जीले मृतकका परिवारलाई राहतस्वरुप जनही १० लाख रुपैयाँ दिने घोषणा गरेकी छिन् ।

08 Mar

स्विट्जरल्यान्ड जनमतसङ्ग्रह: मुहार ढाक्ने पोसाकमा प्रतिबन्ध

Editor0 CommentsNorth-East

दक्षिणपन्थी स्विस पीपल्स पार्टीले अघि सारेको प्रस्तावमाथि जनमतसङ्ग्रह गरिएको थियो। सो दलले 'अतिवाद रोकौँ' नारा पनि अघि सारेको थियो। आधिकारिक परिणाममा उक्त प्रस्तावको समर्थनमा ५१.२% मानिसले भोट हालेका थिए भने विपक्षमा ४८.८% मानिसले भोट हालेका थिए। एक अग्रणी स्विस इस्लामिक समूहले यसलाई मुस्लिमहरूका निम्ति 'एक अँध्यारो दिन' भनेको छ। "आजको निर्णयले पुरानो घाउ बल्झाएको छ, कानुनी असमानतालाई फैलाएको छ र मुस्लिम अल्पसङ्ख्यकहरूको बहिष्करणको स्पष्ट सन्देश दिएको छ," सेन्ट्रल काउन्सिल अफ मुस्लिमले एक वक्तव्यमा उल्लेख गरेको छ। स्विस सरकारले प्रतिबन्धको प्रस्तावको विरोध गर्दै महिलाहरूले के लगाउने भन्नेबारे राज्यले निर्देशन दिन नसक्ने जनाएको थियो। कतिपय आलोचकहरूले उक्त प्रस्तावलाई 'बहुलठ्ठीपूर्ण, बेकामे अनि इस्लामप्रति…

08 Mar

म्यान्मार कू: सैनिक शासनविरुद्धको आन्दोलनमा एक नेपालीभाषी बर्मेलीको मृत्यु

Editor0 CommentsNorth-East

उत्तरी म्यान्मारको एउटा सहरमा सरकारी पक्षले पक्राउ गरेको पाँच दिनपछि ४२ वर्षीय सानोभाइ विश्वकर्माको शव उनको परिवारलाई बुझाइएको छ। प्रदर्शनकारीहरूले उनको हत्या भएको आरोप लगाएका छन्। विश्वकर्मालाई सुरक्षाकर्मीले पाँच दिनअघि गिरफ्तार गरेका थिए। त्यसपछि नेपालीभाषी समुदायका प्रतिनिधिहरूले प्रहरी चौकीमा पुगेर पटकपटक विश्वकर्माबारे सोधखोज गरेको जानकारी म्यान्मारस्थित नेपाली पत्रकार ज्ञानबहादुर थापा बगालेले जानकारी दिएका छन्। सोधखोजको क्रममा विश्वकर्मालाई पक्राउ नगरिएको सुरक्षाकर्मीहरूले दाबी गरेका थिए। तर आइतवार सुरक्षाकर्मीले उनको शव परिवारलाई बुझाएको थियो। म्यान्मारको उत्तरी प्रान्त शानको मुसे सहरमा करिब १०० को सङ्ख्यामा नेपालीभाषी छन्। गत माघ १९ गते सेनाले देशको शासनसत्ता आफ्नो हातमा लिएपछि अन्य भागमा जस्तै चीन र म्यान्मारको व्यापारिक…

08 Mar

महिलाले ५० प्रतिशत अधिकार पाउन आन्दोलन गर्नुपर्छ : पम्फा भुसाल

Editor0 CommentsNorth-East

पुष्पकमल दाहाल–माधवकुमार नेपाल नेतृत्वको साविकको नेकपाका नेता पम्फा भुसालले महिलाहरुले ५० प्रतिशत अधिकार प्राप्तिका लागि आन्दोलन गर्नुपर्ने बताएकी छिन् । सोमबार १११औँ अन्तर्राष्ट्रिय श्रमिक महिला दिवसको सन्दर्भमा अनेरास्ववियूले आयोजना गरेको टेम्पो चालक महिला सम्मान कार्यक्रमलाई सम्बोधन गर्दै भुसालले ५० प्रतिशत भन्दा बढी संख्यामा रहेका महिलाहरुले सबै क्षेत्रमा ५० प्रतिशतभन्दा बढी अधिकार प्राप्तिको निम्ति आन्दोलन गर्नुपर्ने बताएकी हुन् । संविधानत्: महिलाहरुले धेरै अधिकार पाएको भए पनि कार्यान्वयनको चुनौती रहेको भन्दै उनले त्यसको कार्यान्वयन हुनुपर्नेमा जोड दिइन् । उनले भनिन्, ‘हामी ५० प्रतिशत बढी रहेका महिलाले ५० प्रतिशतभन्दा बढी सबै क्षेत्रमा अवसर अवसर पाउनुपर्दछ । त्यसैले एकातिर पाएका अधिकारको कार्यान्वयन हो भने नपाएका अधिकारको निम्ति…

08 Mar

ककपिटमा महिला

Editor0 CommentsNorth-East

काठमाडौंबाट उडेको केही बेरमा विमान भैरहवामा अवतरित भयो । क्याप्टेन यशोधरा थापा र को–पाइलट प्रीति गिरी ककपिटबाट निस्कने सुरसार गर्दै थिए । अचानक यात्रुहरूले भनेको कुरा उनीहरूको कानमा ठोक्कियो– ‘लौ आज त विमानमा सबै क्रु महिला नै पो रहेछन् ।’ यशोधराले यो कुरा त हेक्कै राखेकी थिइनन् । अनि उनले हेक्का राख्न नसकेको अर्को संयोग पनि थियो– महिला दिवस । क्याप्टेनदेखि को–पाइलट, क्याबिन क्रु सबै महिला । दुई वर्षअघिको यो संयोगलाई उनीहरूले तत्काल स्मृतिमा कैद गरे । सामूहिक फोटो खिचाए । घरकी एक्ली सन्तान हुन् यशोधरा । अन्तर्मुखी स्वभावकी उनी सानो छँदा मानिसहरूसँग खासै बोल्दैनथिन् । त्यसैले बुबा उनलाई अतिरिक्त क्रियाकलापमा सहभागी हुन हौस्याउँथे । साहसी भएर अघि…

08 Mar

म्यान्मारबाट भागेका प्रहरी फर्काउन भारतलाई आग्रह

Editor0 CommentsNorth-East

म्यान्मार सरकारले फेब्रुअरी १ को सैनिक ‘कु’ पछि भारत भागेका प्रहरी अधिकारीलाई फिर्ता गर्न आग्रह गरेको छ । आफ्नो निर्देशन मान्न अस्वीकार गरेर छिमेकी भारत छिरेका केही प्रहरी अधिकारीलाई फिर्ता गर्न सैनिक सरकारले आग्रह गरेको हो । भारतीय अधिकारीका अनुसार म्यान्मारका केही प्रहरी अधिकारी र उनका परिवार पछिल्ला दिनमा भारत आइपुगेका छन् । म्यान्मारका अधिकारीहरूले भारतलाई एक पत्र पठाउँदै ‘मैत्रीपूर्ण सम्बन्ध कायम राख्न’ ती प्रहरी अधिकारीलाई फर्काउन आग्रह गरेका बीबीसीले जनाएको छ । म्यान्मारमा फेब्रुअरी १ मा भएको सैनिक ‘कु’ पछि देशव्यापी विरोध प्रदर्शन र आमहडताल भइरहेका छन् । सुरक्षाकर्मीहरूले प्रदर्शनकारीमाथि व्यापक दमन गर्दै आएका छन् । संयुक्त राष्ट्रसंघका अुनसार प्रदर्शनका क्रममा हालसम्म ५५…