Piyali Poddar

बाइसनको आक्रमणमा परी दुईजना घाइते भएका छन्। घना जङ्गलबाट निस्केर बाइसन मानव बस्ती क्षेत्रमा प्रवेश गर्दा निकै आतङ्क मच्चिएको छ। बाइसनको आक्रमणमा परी घाइते हुने शान्ति तिर्की(35) अनि नितेश उराँव(17) हुन्। तिनीहरू दुवै भादोवा लाइनका वासिन्दा हुन्। घाइते दुवैलाई बीरपाड़ा राज्य सामान्य अस्पतालमा भर्ना गरिएको छ। प्राप्त रिपोर्टअनुसार अलिपुरद्वार जिल्लाको बीरपाड़ा ब्लकअन्तर्गत पर्ने मदारीहाटको नाङडाला चियाबारी क्षेत्रमा यो घटना बुधवार बिहान भएको हो। उक्त चियाबारीदेखि केही पर दलमोर जङ्गल रहेको छ। स्थानीयहरूको आशङ्कामा त्यहीँ जङ्गलबाट बाइसन निस्केर चियाबारी क्षेत्रमा प्रवेश गरेको हो। सूचना पाएपछि तुरुन्त दलगाँउ रेञ्जका वन अधिकारीहरू अनि बीरपाड़ा थानाका पुलिस कर्मचारीहरू घटनास्थलमा पुगेका थिए। पछि बाइसन डिमडिमा…

चितुवाले आक्रमण गर्दा फालाकाटाको तसाती चियाबारीमा काम गरिरहेकी एउटी महिला श्रमिकलाई घाइते भएकी छन्। मङ्गलवार भएको उक्त घटनाले चियाबारी वरिपरि क्षेत्रमा त्रास फैलिएको छ। घाइते श्रमिकको नाम दुखुनी मुण्डा हो। प्राप्त रिपोर्टअनुसार मङ्गलवार बिहान अन्य श्रमिकहरूसित चियाबारीमा काम गरिरहेकी बेला अचानक झाड़ीबाट निस्किएको चितुवाले दुखुनीलाई आक्रमण गऱ्यो। चितुवाको आक्रमणमा तिनलाई निकै चोटपटक लागेको छ। तिनको चित्कार सुनेर अन्य श्रमिकहरू तुरुन्तै घटनास्थलमा पुगे र तिनलाई उद्धार गरे। तिनलाई पहिले तसाती चियाबारी अस्पतालमा लगिएको थियो तर पछि थप उपचारका लागि बीरपाड़ा राज्य सामान्य अस्पतालमा लगिएको छ।

होली नजिक आइरहेको छ त्यसैले फूलबारी सीमावर्ती क्षेत्रनजिक चम्पागाछस्थित अबिर (रङ्गीन धुलो) कारखानाका मजदुरहरू व्यस्त छन्। तर यो वर्ष माग कम्ती भएको कारण उत्पादनमा उल्लेखनीय ह्रास आएको छ। कारखानाका कर्मचारी जीवन मण्डलले बताएअनुसार विगत बीस वर्षदेखि यस क्षेत्रमा भूटानबाट ल्याइएका सामग्री प्रयोग गरी अबिर उत्पादन हुँदै आएको छ। अघिल्लो वर्षसम्म यहाँ उत्पादन गरिने अबिर सिलगढ़ी, इस्लामपुर र रायगञ्जलगायत विभिन्न स्थानमा बिक्री हुन्थ्यो। तर यो वर्ष माग घटेको कारण सीमित मात्रामा उत्पादन भइरहेको छ। पहिले 10-12 जना कर्मचारीहरूले तीनदेखि चार प्रकारका बेग्लाबेग्लै रङगको अबिर बनाउने गर्थे। तर यो वर्ष केवल तीनजना कर्मचारीहरूले गुलाबी र पहेँलो रङ्गको अबिर उत्पादन गरिरहेका छन्। उत्पादन…

एक गर्भवती महिलाको मृत्युको कारणर विवाद उत्पन्न भएको छ। सोमवार बिहान जलपाइगढ़ी मेडिकल कलेज तथा अस्पतालको प्रसुति विभागमा उक्त घटना भएको हो। 25 वर्षीय मोहसिना बेगम जलपाइगढ़ी सदर ब्लकको बहादुर ग्राम पञ्चायतको सरकारपाड़ा क्षेत्रकी निवासी थिइन्। सोमवार बिहान प्रसव पीड़ा आरम्भ हुँदा मोहसिनालाई परिवारका सदस्यहरूले जलपाइगढ़ी मेडिकल कलेज तथा अस्पताल पुऱ्याए। तर अस्पतालको मदर एण्ड चाइल्ड हबको आपत्कालीन विभागका चिकित्सकले तिनलाई मृत घोषित गरे।यता मृत महिलाका परिवारजनले अस्पतालमा उपचारमा लापरवाही भएको आरोप लगाएका छन्। परिवारको दाबीअनुसार गत हप्ता जब मोहसिनालाई प्रसव पीड़ा भएको थियो तब तिनलाई अस्पताल ल्याइएको थियो। त्यसपछि एक दिनका लागि अस्पतालमा भर्ना गरिए पनि चिकित्सकहरूले तिनलाई डिस्चार्ज…

चियाका बोट उखेलेर ती जमीनलाई परित्यक्त देखाई टी टुरिज्म परियोजनाका लागि प्रयोग गर्न खोजिएको आरोप लागेको छ। तराईका धेरै चियाबारीहरूमा यो कार्य आरम्भ भइसकेको छ। डागापुर चियाबारीमा पनि यस्तै दृश्य देखिएको छ। उक्त चियाबारीको लगभग 20 ऐकर क्षेत्रबाट चियाका बोटहरू हटाइएको छ। आरोपअनुसार एकै दिनमा होइन तर क्रमशः एक वर्षको अवधिमा बाटोनजिक चियाबारीबाट चियाका बोटहरू अनि छायाँ दिने रूखहरू हटाइएका छन्। चियाबारीलाई नष्ट गरेर होटल, रिसोर्ट, आवासीय संरचना बनाउने प्रयास भइरहेको चिया श्रमिकहरूले बताइरहेका छन्। श्रमिकहरूको भविष्य अन्धकारतर्फ धकेलिएको तिनीहरूको गुनासो छ। सीटूका दार्जीलिङ जिल्ला सचिव गौतम घोषले भने, "चियाबारी मालिकहरूले योजनाबद्ध रूपले राति चियाका बोट उखेलेर जमीन खाली गरिरहेका…