Piyali Poddar

आज साँझ 6 बजीदेखि बङ्गाल-सिक्किमको लाइफलाइन एनएच 10 खोलिने सम्भावनाबारे नेशनल हाइवे इन्फ्रास्ट्रक्चर कर्पोरेशन लिमिटेड (एनएचआईडीसीएल) को बताएको थियो। त्यसैले आज साझसम्म सड़क खोलिने अपेक्षा गरिएको थियो। पैह्रोले क्षति पुर्याेएको राष्ट्रिय राजमार्ग 10 को मरम्मती कार्य जारी छ। पहाड़ काटेर सड़क विस्तार गर्ने कार्य चलिरहेको छ। फेरि अत्यधिक वर्षा नभए सड़क खोलिने सम्भावना बताइए पनि अब आगामी 8 जुलाईको बिहान 9 बजीसम्म राजमार्ग बन्द राखिने समाचार आएको छ। गत 3 दिनदेखि राष्ट्रिय राजमार्ग 10 बन्द छ।लगातार वर्षाका कारण सेवकदेखि रम्फूसम्म सड़कका विभिन्न ठाउँमा पैह्रो गएको छ। विशेष गरी 10 माइलको तारखोला क्षेत्रमा पहाड़बाट ढुङ्गा र ठूल्ठूला चट्टान सड़कमा झरेको छ।…

भारतीय जनता पार्टी (भाजपा) ले सोमवार सिलगढ़ी महकुमा परिषदअघि प्रदर्शन गरेको छ। सत्ताधारी दलले परिषदलाई भ्रष्टाचारको केन्द्र बनाएको आरोप लगाउँदै भाजपा सड़कमा उत्रिएको हो। भाजपा नेताहरूले परिषद कार्यालयलाई पार्टी कार्यालयसरह चलाइएको र विपक्षी दलहरूको धारणा र सुझाउको कुनै ख्याल नगरिएको आरोप लगाएको छ। कञ्चनजङ्घा रङ्गशालाबाट आरम्भ गरिएको प्रदर्शन ऱ्याली सिलगढ़ी महुकमा परिषद कार्यालयसम्म पुगेपछि त्यहाँ भाजपा कार्यकर्ताहरूले प्रदर्शन गरे। प्रदर्शनपछि भाजपा प्रतिनिधि मण्डलले परिषदको कामकाज पारदर्शी बनाउन माग गर्दै ज्ञापनपत्र बुझाएको छ। सिलगढ़ी महकुमा परिषदमा विपक्षी नेता अजय उराँवले बैठकहरू दिउँसो 4 बजी तय गरिए पनि विपक्षी सदस्यहरू आइपुग्नअघि नै लगभग 2 बजीतिर नै ती बैठकहरू भइसक्ने गरेको बताए। आफू…

गोर्खाल्याण्ड क्षेत्रीय प्रशासन (जीटीए)का मुख्य कार्यपाल अनित थापा आज मिरिक भ्रमणमा आएका थिए। त्यसै भ्रमण अवधि मिरिक नगरपालिका वार्ड नम्बर पाँच कृष्णनगर वासिन्दाहरूले कृष्णनगर क्लबमा अनित थापासित भेट गरेका छन्। भेटमा स्थानीय मानिसहरूले क्षेत्रको समस्या सुनाँउदै समस्याको समधान गरिदिने थापासमक्ष अनुरोध गरे। जीटीए प्रमुखसित कृष्णनगरवासीले कृष्णनगरमा एउटा कार पार्किङ निर्माण गरिदिने अनि सिक्किमको एमजी मार्ग जस्तै सड़क कृष्णनगरमा निर्माण गरिदिने अनुरोध गरेका छन्। त्यससितै कृष्णनगर क्लब भवनको बढ़ोत्तरीको तिनीहरूले माग गरे। थापाले क्लब भवनको बढ़ोत्तरी तुरुन्त गरिदिने आश्वासन दिए। यता कार पार्किङ अनि सड़क मार्गबारे विभागीय अधिकारीहरूसित कुराकानी गरेपछि पहल गरिदिने आश्वासन दिए। यस अवसरमा बोल्दै कृष्णनगर क्लबका अध्यक्ष अरबिन…

देशको आर्थिक र सामाजिक अवस्थाबारे वाम मोर्चाका नेता मोहम्मद सलिमले चिन्ता व्यक्त गरे। सिलगढ़ीमा आयोजित पत्रकार सम्मेलनमा तिनले केन्द्र र राज्य दुवै सरकारको कड़ा आलोचना गरेका छन्। तिनले भने, 2025 मा देश आर्थिक रूपले सङ्कटग्रस्त छ। देशको अर्थतन्त्र धराशायी बन्दैछ तर केन्द्र सरकारले गलत जानकारी दिएर जनतालाई भ्रमित पार्दैछ। सत्य लुकाइएको अनि तथ्यहरूलाई तोड़मोड़ गरिएको तिनले आरोप लगाए।भाषा, धर्म अनि पेसाको आधारमा देशलाई विभाजन गर्ने राजनीति भइरहेको भन्दै तिनले भने, यस्तो विभाजनकारी राजनीतिले देशभरि एकता र सद्भावनालाई ठेस पुर्याीउँदैछ। पश्चिम बङ्गालका सीमान्तकृत र कमजोर वर्गका मानिसहरू बारम्बार अन्य राज्यहरूमा तारो बनिरहेका छन्। तिनीहरू विभिन्न प्रकारका यातनाको शिकार बनिरहेका छन्।मुख्यमन्त्री ममता…

सोमवार भारत–नेपाल सीमाको पानी ट्याङ्की क्षेत्रबाट एकजना चिनियाँ नागरिक पक्राउ परेका छन्। पक्राउ परेका व्यक्तिबाट दुईवटा फरक-फरक नामको स्विट्जरल्याण्डको पासपोर्ट अनि नक्कली नेपाली परिचयपत्र फेला पारिएको छ। आज खोरीबारी पुलिसले तिनलाई सिलगढ़ी महकुमा न्यायालयमा प्रस्तुत गरेको छ। थाहा लागेअनुसार उक्त चिनियाँ नागरिकलाई सोमवार नेपालदेखि पानी ट्याङ्कीको मेची पुल हुँदै अवैध रूपमा भारत प्रवेश गर्ने क्रममा सीमा क्षेत्रमा तैनाथ एसएसबीको 41 नम्बर बटालियनका जवानहरूले पक्राउ गरेका हुन्। सोधपुछपछि सोमवार अबेर राति एसएसबीले तिनलाई खोरीबारी पुलिसलाई जिम्मा लगाएको हो।एसएसबी सूत्रअनुसार सोमवार बेलुका नियमित चेकिङका क्रममा एसएसबी जवानहरूले उक्त चिनियाँ नागरिकलाई नियन्त्रणमा लिएका थिए। जाँच गर्दा तिनीबाट दुईवटा अलग नामको स्विट्जरल्याण्डको पासपोर्ट फेला…