Editor

जाडो मौसममा फुलबारी महानन्द ब्यारेजमा हजारौं प्रवासी चराहरू आउँछन्। यी चरालाई शिकारीबाट जोगाउन वन विभागले विशेष व्यवस्था गरेको छ । घोषपुकुर वन विभागको तर्फबाट प्रवासी चराहरूको संरक्षणका लागि सिलगढी शहर नजिकैको फुलबारी महानन्द ब्यारेजमा बन्दुकधारी वनकर्मीहरू तैनाथ गरिएको छ। गएरातिदेखि नै वनका कर्मचारीले आप्रवासी चराको सुरक्षाका लागि निरन्तर गस्ती गरिरहेका छन् ।यससँगै सिकारीले प्लाष्टिकको पातलो धागोले बिछ्याएको जालबाट चरालाई जोगाउन वन विभागले विशेष पहल गरिरहेको छ । घोषपुकुरका रेन्ज अधिकृत सोनम भुटियाले हिउँदअघि नै यस फुलबारी ब्यारेजमा ठूलो संख्यामा चराचुरुङ्गी आउने गरेको बताए । चोरी शिकारीका कारण यो संख्या क्रमशः घट्दै गएको छ । चराहरु ब्यारेजमा नरहुन्जेल यो अभियान जारी…

झारखण्ड सरकारले श्री सम्मेद शिखरजी मन्दिरलाई पर्यटकीय गन्तव्य घोषणा गरेको विरोधमा सिलगढीमा सम्पूर्ण जैन समुदायद्वारा विरोध र्‍याली निकालिनेछ। झारखण्ड सरकारको यस निर्णयको बिरूद्ध जनवरी 6 मा सिलगढीमा जैन समुदायले मौन जुलुस निकाल्ने छ।जैन समुदायले बुधबार पत्रकार सम्मेलन गरी सो जानकारी दिएको हो । उल्लेखनीय छ, झारखण्डमा अवस्थित जैन समुदायको तीर्थस्थल मध्येको एक श्री सम्मेद शिखरजी मन्दिरलाई झारखण्ड सरकारले पर्यटकीय गन्तव्य घोषणा गरेको छ र त्यसको विरोधमा जैन समुदायले देशभर विरोध प्रदर्शन गरिरहेका छन्।