बलिउड अभिनेता अक्षय कुमारलाई उत्तराखण्डको ब्रान्ड एम्बेसेडर बनाइएको छ । सोमबार देहरादुनमा उनले उत्तराखण्डका मुख्यमन्त्री पुष्कर सिंह धामीलाई भेटघाट गरे । यतिबेला मुख्यमन्त्री धामीले अक्षय कुमारलाई पहाडी टोपी लगाइदिए र फूल दिए । मुख्यमन्त्री धामीले ट्वीट गरे, ‘आज प्रख्यात अभिनेता, युवाका प्रेरणास्रोत र मेरा साथी श्री अक्षय कुमारजीको मुख्यमन्त्री आवासमा स्वगत एवं अभिनन्द गराइयो । अक्षय कुमारजीले राज्यका युवालाई प्रेरित गर्नका लागि सरकारद्वारा उठाइएको कदमको सराहना गरे । हर सम्भव सहयोगको आश्वासन दिए ।’ समाचार एजेन्सी एएनआईका अनुसार पुष्कर सिंह धामीले भने, ‘हामीले उनलाई (अक्षय कुमारलाई ) एक प्रस्ताव दिएका थियौँ । उनले यो स्वीकार गरे । उनले उत्तराखण्डको ब्रान्ड एम्बेसडरको रुपमा पनि काम गर्नेछन् ।’ अक्षय आजकाल उत्तराखण्डको मसुरीमा आफ्नो नयाँ फिल्मको सुटिङ गरिरहेका छन् ।
Actor Akshay Kumar met Uttarakhand CM Pushkar Singh Dhami at the CM residence in Dehradun this morning. pic.twitter.com/eUttdJNBGk
— ANI UP/Uttarakhand (@ANINewsUP) February 7, 2022
