जो बाइडेन अमेरिकाका राष्ट्रपति बनेपछि पहिलो पटक आफ्नो विदेश भ्रमणमा बेलायत पुगेका छन् जहाँ उनले रुसमाथि निशाना साँधेका छन् । उनले रुसी राष्ट्रपति भ्लादिमिर पुटिनलाईरुसले हानी पुर्याउने खालका गतिविधिमा समावेश भए यसका लागि बलियो र सार्थक परिणाम भोग्नुपर्ने चेतावनी दिएका छन् । बाइडेन जीसेभेन देशको शिखर सम्मेलनका लागि बुधबार बेलायत पुगेका छन् । सम्मेलनका बेला उनी नयाँ ‘एट्लान्टिक चार्टर’ बारे चर्चा गर्नका लागि बेलायती प्रधानमन्त्री बोरिस जोनसनसँग भेटघाट गर्नेछन् ।
यो एक तरिकाले सन् १९१४ मा विन्स्टन चर्चिल र फ्रेंकलिन रुजवेल्टबीच भएको सम्झौताको आधुनिक संस्करण हुनेछ जसमा जलवायु परिवर्तन र सुरक्षा जस्ता चुनौतीलाई पनि महत्व दिइनेछ ।
आफ्नो आठ दिनको युरोपेली भ्रमणमा बाइडेन विन्डसर क्यासलमा बेलायतकी महारानीसँग भेटघाट गर्नेछन्, जीसेभेन देशका नेताको बैठकमा भाग लिनेछन् र अमेरिकी राष्ट्रपति नेटोको सम्मेलनमा भाग लिनेछन् ।
आफ्नो भ्रमणको अन्तिम चरणमा बाइडेन जिनेभामा रुसी राष्ट्रपति भ्लादिमीर पुटिनसँग पनि भेटघाट गर्नेछन् ।
अमेरिकी राष्ट्रपतिले उनको पहिलो विदेश भ्रमणको ‘प्रत्येक चरणमा’ राष्ट्रपतिको रुपमा उनले स्पष्ट पार्न चाहे कि ‘अमेरिका मैदानमा फिर्ता भएको छ र मुश्किलभन्दा मुश्किल चुनौतीसँग जुध्न र भविष्यको सबैभन्दा ठूलो चिन्तासँग जुध्नका लागि संसारभरीका गणतान्त्रिक देश एक साथ उभिएका छन् ।’
