मङ्गलवार चुनाउपछि विजय उत्सवका क्रममा भाजपा कार्यकर्ता तथा समर्थकहरूले हाल निलो–सेतो रङ्गमा रहेको उत्तर कन्यालाई केसरिया रङ्ग लगाउने माग गरेका छन्। प्रशासनिक मुख्यालयबाहिर समर्थकहरू भेला भई राज्यमा आएको राजनीतिक परिवर्तनको उत्सव मनाउने क्रममा यस्तो माग उठाइएको हो।
उत्सवबीच उत्तर कन्याले नयाँ राजनीतिक परिवर्तनलाई प्रतिविम्बित गर्ने दाबी गर्दै नाराबाजी गरिएको थियो। सत्तामा आएको परिवर्तनपछि समर्थकहरूले आफ्नो उत्साह व्यक्त गर्दै ठूलो स्वरमा नाराबाजी गर्दै यस अवसरलाई चिन्हित गरेका थिए। समर्थकहरूअनुसार उत्तर बङ्गाल लामो समयदेखि उपेक्षित रहँदै आएको थियो र नयाँ सरकार गठनसितै यस क्षेत्रको विकासको नयाँ अध्याय आरम्भ हुनेछ। तिनीहरूले थप भने, अब उत्तर बङ्गालका 54 वटा विधानसभा क्षेत्रमा विकासका योजनाहरूको तयारी तथा कार्यान्वयन उत्तर कन्याबाटै सञ्चालन गरिनेछ।
