सिक्किम: पश्चिम बंगाल – सिक्किम लाइफलाइन नम्बर 10 राष्ट्रिय राजमार्ग अन्ततः फेरि खोलियो। तर, अहिले ठूला सवारी साधनलाई आवतजावतमा रोक लगाइएको छ । राष्ट्रिय राजमार्गमा साना सवारी साधन, यात्रुवाहक कार र बस मात्र चल्नेछन् ।
ठूला मालबाहक सवारी साधनलाई पहिले जस्तै वैकल्पिक मार्ग प्रयोग गर्न निर्देशन दिइएको छ ।बिहीबार सार्वजनिक निर्माण विभागले राष्ट्रिय राजमार्गमा साना सवारी साधन चलाउन जिल्ला प्रशासनलाई हरियो संकेत दिएको छ ।
त्यसैगरी कालिम्पोङ जिल्ला प्रशासनले शुक्रबारदेखि राष्ट्रिय राजमार्गमा साना सवारी साधन चलाउन र सवारीसाधन नियन्त्रण गर्न निर्देशन दिएको छ । त्यसपछि आज बिहानैदेखि सो सडकमा हल्का आवतजावत सुरु भएको हो । राष्ट्रिय राजमार्ग खुलेपछि पर्यटन क्षेत्रका सर्वसाधारणलाई राहत पुगेको छ ।
