प्रदेश प्राथमिक शिक्षा बोर्डका अध्यक्ष डा गौतम पालले प्रदेशको प्राथमिक शिक्षा प्रणाली निकै राम्रो रहेको बताए । अहिले गुणस्तरीय शिक्षा प्रदान गरिएको छ । यसलाई थप सुधारका लागि पहल भइरहेको प्रदेश प्राथमिक शिक्षा बोर्डका अध्यक्ष डा.गौतम पाल केही दिनदेखि उत्तर बङ्गालका विभिन्न प्राथमिक विद्यालयको भ्रमण गरी प्राथमिक विद्यालयको पूर्वाधार र शिक्षाको गुणस्तरको मूल्याङ्कन गरिरहेका छन् ।
यसै सिलसिलामा उनले सोमबार सिलगढी शिक्षा जिल्लाका विद्यालयहरूको अवस्था र शैक्षिक पूर्वाधार हेर्न गएका थिए।जिल्ला प्राथमिक शिक्षा बोर्डका अध्यक्ष दिलीप रोय, जिल्ला विद्यालय निरीक्षक तरुण कुमार सरकार र स्कूल एआई विनीता गजमेरसहित राज्य बोर्डका अध्यक्ष डा.गौतम पाल आज नेताजी प्राथमिक विद्यालय पुगेर दिउँसो विद्यार्थीसँग कुराकानी गरेका थिए ।
सो अवसरमा नेताजी प्राथमिक विद्यालयका प्रधानाध्यापक विभूति भूषण रोयको समेत उपस्थिति रहेको थियो ।उनले विद्यालयको कक्षा कोठाको अवलोकन गरेका थिए र अन्तमा पत्रकारहरुलाई यस भ्रमणको जानकारी दिँदै उनले विद्यालयमा धेरै सुधार भएको बताए । राज्यको प्राथमिक शिक्षा र गुणस्तर सुधारका लागि उनले पहल गरिरहेका छन् । साथै उनले माफी माग्दै शिक्षाको गुणस्तर सुधार गर्नुपर्ने बताए ।
