तुफानगञ्जको रानीरहट बजारमा गएराति भीषण आगलागी हुँदा तीन पसल जलेर नष्ट भएको छ । स्थानीयले प्रहरी र दमकललाई खबर गरेपछि तुफानगञ्ज प्रहरी चौकी र दमकलको दुईवटा गाडी घटनास्थलमा पुगेर आगो नियन्त्रणमा लिएका थिए ।सर्ट सर्किटका कारण आगलागी भएको प्रारम्भिक अनुमान छ । आगलागीबाट दशकर्म गोदाम, एक मिठाई पसल र एक होलसेल रासन पसल जलेर नष्ट भएको स्थानीय स्रोतले जनाएको छ । व्यवसायीलाई करिब ५० लाखको क्षति भएको प्रारम्भिक अनुमान छ ।
