मलको कालोबजारी रोक्न माग गर्दै किसानहरूले शुक्रबार जलपाईगुडी जिल्ला कृषि अधिकारीको कार्यालयसम्म जुलुस निकाले। जुलुसमा ठूलो संख्यामा किसानहरुको सहभागिता रहेको थियो । यी किसानले सहरका विभिन्न मार्ग परिक्रमा गर्दै जिल्ला कृषि अधिकृतको कार्यालय पुगेर कृषि अधिकृतलाई ज्ञापनपत्र बुझाएका थिए । आलु रोप्ने समय आएलगत्तै मलको कालोबजारी सुरु भएको र विषादीको विभिन्न गुनासो आउन थालेको किसानको गुनासो छ ।
यससँगै समयमै मल र विषादी नपाएको किसानको आरोप छ । मलको कालोबजारी रोक्न माग गर्दै शुक्रबार जिल्लाका विभिन्न स्थानका किसानले जुलुस निकालेर जिल्ला कृषि अधिकारीको कार्यालयमा धर्ना दिएका थिए । पसलबाट मल खरिद गर्दा पटक–पटक रसिद नदिएको पनि किसानले बताएका छन् । रसिद मागेपछि किसानले व्यापारीसँग मौखिक वादविवाद गर्छन् । सोही क्रममा किसानहरुले प्रशासनले असहयोग गरेको आरोप लगाएका छन् ।
