बङ्ग्लादेशले गत केही सालमा विदेशी माटोमा आफ्नो दिनको सर्वश्रेष्ठ प्रदर्शन गर्दै आइतवार न्यूजील्याण्ड विरुद्ध पहिलो टेस्ट म्याचको दोस्रो दिन लड़ाई जारी राख्यो । | बङ्ग्लादेशले न्यूजील्याण्डको अन्तिम पाँच विकेट ७० रनभित्र हासिल गरी आयोजक टोलीको पहिलो इनिङ्ग्स ३२८ रनमा समेट्यो। त्यसपछि दोस्रो दिनको खेल समाप्त हुँदासम्म आफ्नो पहिलो इनिङ्ग्समा २ विकेटको नोक्सानमा १७५ रन बटुल्यो। ओपनिङ्ग व्याटर महमूदुल हसन जय (अविजित ७०) र नजमुल हुसेन शान्तो (६४) – | ले दोस्रो विकेटको निम्ति १०४ रनको साझेदारी गरे। दिनको खेल समाप्त हुँदासम्म कप्तान मोमीनुल हक अविजित ८ रन बनाएर महमूदुलसँग क्रीजमा थिए। शान्तोले आफ्नो १२औं टेस्टमा दोस्रो अर्द्धशतक बनाए । उनले दुईवटा शतक पनि बनाइसकेका छन् । दोस्रो टेस्ट खेलिरहेका महमूदुलको यो पहिलो अर्द्धशतक हो । बङ्ग्लादेशको टोली अहिले पहिलो इनिङ्ग्सको | आधारमा १५३ रन पछि रहेको छ जबकि उनीहरूसँग हातमा आठ विकेट रहेको छ। | महमूदुलले शादमान इस्लाम (२२) सँग मिलेर पहिलो विकेटको निम्ति ४३ रन योग गरी टोलीलाई सतर्क शुरुवात दिलाए । यी दुईले १८ ओभरसम्म न्यूजील्याण्डका बलरहरूलाई सताए। यसले गर्दा नयाँ बलको चमक समाप्त भयो अनि पछि आउने ब्याटरहरूलाई खेल्न धेरै सुविधा भयो ।
शनिवार न्यूजील्याण्डको तर्फबाट डेवोन कनवेले १२२ रन बनाएर चौथो टेस्टमा आफ्नो दोस्रो शतक दर्ता गरेका थिए तर आज टोलीको तल्लो क्रम असफल रह्यो । पहिलो दिन अविजित रहने हेनरी निकोल्स ७५ रन बनाएर आउट हुने अन्तिम ब्याटर रहे। देब्रे हातका पेस बलर शरीफुल इस्लाम (६३ रनमा ३ विकेट ) – ले अलराउण्डर रचिन रविन्द्र (०४ ) – लाई पभेलियन पठाए जबकि अफ् स्पिनर मेहदी हसन मिराज (८६ रनमा ३ विकेट) ले काइल जेमिसन (०६), टिम साउदी (०६) र नील वेनर (शून्य) – लाई आउट गरे मोमीनूलले आफ्नो पार्ट टाइम स्पिन बलिङ्गद्वारा कनवे र निकोल्सलाई आउट गरे। उनले ६ रन खर्च गरी २ विकेट लिए। बङ्ग्लादेशलाई लञ्च अघि महमूदुल र शादमानले धक्का लाग्न दिएनन् ।
दोस्रो सत्रमा पनि उनीहरूल पहिलो घण्टामा झैं न्यूजील्याण्डका बलरहरूलाई सफलता हासिल गर्न दिएनन् । ड्रिङ्क्स ब्रेकपछि चाहिँ शादमान पहिलो बलमै नील वेग्नर (२७ रनमा २ विकेट) को शिकार बने। वेग्नरले पछिबाट महमूदुल र नजमुलबीचको साझेदारी पनि तोड़े। नजमुलले १०९ बल खेलेर सातवटा चौका र एउटा छक्का लगाए। यसरी नै महमूदुलले २११ बल खेलेर आफ्नो इनिङ्ग्समा सातवटा चौका लगाइसकेका छन् ।
