तृणमूल काँग्रेस र भारतीय जनता पार्टीका कार्यकर्ताबीच झडप हुँदा एक जनाको मृत्यु भएको बीबीसीहिन्दीले जनाएको छ। गोली चल्दा १८ वर्षका आनन्द बर्मनको मृत्यु भएको बताइएको छ। हाल पश्चिम बंगालको पाँच जिल्लामा ४४ सिटको लागि चौथो चरणको निर्वाचन भइरहेको हो। कुचबिहार जिल्लाको शीतलकुची इलाकामा सुरक्षाकर्मीले गोली चलाउँदा अन्य चारको पनि मृत्यु भएको छ। अधिकारीहरुका अनुसार चुनावी सुरक्षाको लागि खटेमा सुरक्षाकर्मीको बन्दुक खोस्ने प्रयास हुँदा गोली चलाइएको हो।
