सिलगढीको गेट बजारमा अवस्थित युवा भारती क्लबले लामो समयदेखि समाज सेवाको काममा योगदान गर्दै आएको छ ।अहिले क्लबको लगभग सम्पूर्ण भवन जनताको स्वास्थ्य सेवाको लागि समर्पित गरिएको छ । गेट बजारमा रहेको युवा भारती क्लबको भवनले सानो स्वास्थ्य केन्द्रको रुप लिएको छ ।
यहाँ टाढा टाढाका बिरामीहरु सस्तोमा स्वास्थ्य जाँच गराउन आउने गर्छन् । सोमबार यस संस्थाले चिकित्सा सेवामा एक कदम अगाडि बढेको छ । आज मेयर गौतम देवले क्लबको अर्को एम्बुलेन्सको उद्घाटन गरेका छन् ।
आज उनले नरिवल फाटे र हरियो झण्डा फहराएर एम्बुलेन्स सेवाको उद्घाटन गरे । कार्यक्रममा उपमेयर रञ्जन सरकार, अध्यक्ष प्रतुल चक्रवर्ती, मेयर काउन्सिल माणिक डे, पार्षद तपस चटर्जी, बिमान तापदारको उपस्थिति थियो ।
