खाल्डोमा खसेको हात्तीलाई उद्धार गरेपछि हात्ती बस्ती क्षेत्रमा पस्यो। जलपाइगढ़ी शहरलाई सम्भावित ठूलो क्षतिबाट जोगाउन सोमवार राति 3.30 बजी हात्तीलाई लक्षित गरी ट्र्याङ्कुलाइजर प्रहार गरियो। त्यसपछि वन विभागले क्रेनको सहायताले हात्तीलाई उठाएर उद्धार गर्योा। वन विभाग सूत्रअनुसार सोमवार बिहान बैकुण्ठपुर वन विभागको जङ्गलबाट बाहिर निस्किएर तीनवटा छुट्टिएका हात्तीहरू करलाभ्याली चियाबारीमा प्रवेश गरेका थिए। तीमध्ये एउटा हात्ती चियाबारीको एउटा खाल्डोमा खस्यो। वनकर्मीहरूले जेसीबीको प्रयोग गरी हात्तीलाई खाल्डोबाट उद्धार गरे। त्यसपछि हात्ती अनियन्त्रित रूपमा यताउता दौड़िन थाल्यो। सोमवार बिहानदेखि नै उक्त हात्ती चियाबारी क्षेत्रमा आतङ्क मच्चाउँदै घुमिरहेको थियो। हात्तीलाई जङ्गल फर्काउन विभिन्न वन विभागका कर्मचारीहरूलाई बोलाइयो। तर गजराजलाई जङ्गल फर्काउने प्रयास सफल हुन सकेन।
साँझपछि छुट्टिएको हात्ती राष्ट्रिय राजमार्ग नम्बर 27 पार गर्दै जलपाइगढ़ी सरकारी मेडिकल कलेजको पछाड़िबाट आनन्दचन्द्र कलेज परिसरभित्र प्रवेश गर्यो।। पहिले त्यसले गर्ल्स होस्टेलअघि आश्रय लियो। त्यसपछि शहरको 21 नम्बर वार्डको एबीपीसी मैदानको पछाड़िबाट मस्कालाईबारी क्षेत्रमा एउटा घरको गेट तोड्दै 25 नम्बर वार्डको शान्तिपाड़ा बसस्ट्याण्डको पछाड़िबाट करला नदी पार गरेर 1 नम्बर वार्डमा प्रवेश गर्योत। त्यसपछि पर्खाल भत्काउँदै दाँते हात्ती बैकुण्ठपुर राजबाड़ी परिसरभित्र छिऱ्यो। खबर पाएपछि घटनास्थलमा जलपाइगढ़ी नगरपालिकाका अध्यक्ष सैकत चट्टोपाध्याय, जलपाइगढ़ीका डीएफओ विकास विजय, सहायक वन अधिकारी अरिजित बोस, जयन्त मण्डलसहित विभिन्न स्वयंसेवी संस्थाका कार्यकर्ता पुगे। घना बस्ती भएको जलपाइगढ़ी शहरमा हात्तीको आक्रमणबाट कुनै ठूलो क्षति नहोस् भन्ने उद्देश्यले वन विभागले थप जोखिम लिन चाहेन। त्यसैले ट्र्याङ्कुलाइजर टोली बोलाएर हात्तीलाई बेहोस गर्न गोली प्रहार गर्ने निर्णय गरियो। राजबाड़ीको पछाड़ि नै दुई चरणमा हात्तीलाई बेहोस गर्ने गोली हानियो।
शहरलाई हात्तीको आक्रमणबाट जोगाउन दार्जीलिङ वाइल्ड लाइफ डिभिजन, गोरुमारा वाइल्ड लाइफ डिभिजन, बैकुण्ठपुर र जलपाइगढ़ी डिभिजनका वनकर्मीहरूलाई बोलाइएको थियो। अन्ततः राति 3.30 बजी बेहोस पार्ने गोली प्रयोग गरी हात्तीलाई नियन्त्रणमा लिन सकियो। त्यसपछि क्रेनको सहायताले हात्तीलाई उठाएर ट्रकमार्फत बैकुण्ठपुरको जङ्गलमा लगियो। हात्तीलाई जङ्गलमा फर्काउन सोमवारदेखि मङ्गलवार बिहानसम्म वनकर्मीहरू, स्वयंसेवी संस्था तथा मैनागुड़ीका पर्यावरणप्रेमी संस्थाका कार्यकर्ताहरूले अथक परिश्रम गरे। जलपाइगढ़ीका डीएफओ विकास विजयले भने, सोमवार तीनवटा हात्ती करलाभ्याली चियाबारी आएका थिए। तीमध्ये एउटा हात्ती जलपाइगढ़ी शहरभित्र प्रवेश गर्योन। हामीले हात्तीलाई जङ्गल फर्काउने प्रयास गर्यौँा। तर हात्ती यताउता दौड़िन थाल्यो। त्यसपछि आनन्दचन्द्र कलेजभित्र पस्यो। राजबाड़ीभित्र पनि प्रवेश गर्योा। अन्ततः बेहोस पार्ने गोली प्रयोग गरी हात्तीलाई उद्धार गरेर बैकुण्ठपुर वन विभागको जङ्गलमा पठाइयो।
