आज प्रशासनद्वारा खरसाङ बजारमा निरीक्षण गरिएको छ । खरसाङ महकुमा शासक एजाज अहमदको अगुवाईमा खरसाङ बजार परिक्रमा गरी मानिसहरूले मास्क लगाएको नलगाएको निरीक्षण गरेका छन् । केही दिन अघि मात्रै खरसाङ महकुमा शासकको पदभार सम्हालेका एजाज अहमदले कोरेना महामारीमा खरसाङ बजारको स्थितिमाथि निरीक्षण गर्दै मास्क लगाउने सबैलाई आग्रह गरेका छन् । उनीसितै खरसाङ पुलिस थानाका आईसी नेबेन्दु सरकार पनि उपस्थित थिए प्रशासनद्वारा आज खरसाङ बजारमा मास्क नलगाउनेहरूलाई सम्झाएर छोड़ी दिएका छन् भने अब अर्कोपल्ट यसरी नै चेकिङमा आउँदा मास्क नलगाएको भेट्टाए पक्राउ गर्ने भनी चेताउनीको साथमा सबैलाई मास्क लगाउने आह्वान गरिएको छ। पुलिस प्रशासनको साथमा खरसाङ महकुमा शासकले खरसाङ बजारको हिल कार्ट रोड, वर्तमान रोड, मन्टिभियट रोड,हाट बजार, पंखाबारी रोड क्षेत्र लगायत खरसाङ बजारको सबै क्षेत्रहरूमा मानिसहरुले मास्क लगाएको नलगाएको चेक गरिएको छ । मास्क नहुने र मैला मास्क हुनेहरूलाई प्रशासनद्वारा मास्कहरू पनि वितरण गरिएको छ । प्रशासनद्वारा सबैलाई सठीक तरिकाले मास्क लगाउने आह्वान् गर्नुको साथै दोकानतिर भीड़भाड़ नगर्ने र सामाजिक दुरीको नियमलाई पालन गरिदिने सबैलाई आह्वान गरेका छन् । यस अवसरमा खरसाङ महकुमा शासक एजाज अहमदले पत्रकारहरूसित कुराकानी गर्दै आज खरसाङ बजारमा केविडको नियमलाई पालन गरिएको छ वा छैन भन्ने विषयमा चेकिङ गरिएको साथै कोविडको नियमलाई पालन गराउन यो अभियान गरेको बताएका छन् । उनले हिलमा कोविडको केश बढिरहेको कारणले गर्दा यो अभियान थालिएको बताउँदै यो अभियान लगातार रुपमा चल्ने जबसम्म कोविडको संख्या कम हुँदैन भनी बताएका छन्।
Related Posts
भारतमा एकैदिन २ लाख ८२ हजारमा कोरोना संक्रमण , ४४१ जनाको मृत्यु
- Editor
- January 19, 2022
- 0
भारतमा पछिल्लो २४ घन्टामा कोरोना भाइरस (कोभिड-१९) संक्रमणबाट थप ४४१ जनाको मृत्यु भएको छ। योसहित भारतमा कोरोनाबाट मृत्यु हुनेको संख्या ४ लाख ८७ हजार २०२ […]
भारतमा पछिल्लो २४ घण्टामा ९७५ नयाँ कोभिड-१९ मामिला, ४ जनाको मृत्यु भएको छ
- Editor
- April 16, 2022
- 0
भारतमा आज 975 नयाँ कोभिड-19 मामिलाहरू रेकर्ड गरिएको छ, जसमा कोरोनाभाइरस संक्रमणको कुल संख्या 4,30,40,947 पुगेको छ। केन्द्रीय स्वास्थ्य मन्त्रालयका अनुसार, देशले पछिल्लो 24 घण्टामा […]
भारतीय टिममा कोरोना, श्रीलंकाविरुद्धको दोस्रो टी-२० स्थगित
- Editor
- July 27, 2021
- 0
भारत र श्रीलंकाविचको दोस्रो टी २० खेल स्थगित भएको छ । तालिका अनुसार आज राति हुने भनिएको खेल कोभिडका कारण स्थगित भएको बताइएको छ । […]