बहुप्रतीक्षित दक्षिण भारतीय चलचित्र ‘आरआरआर’को हिन्दी भर्सनमा पनि मुख्य कलाकार रामचरण र जुनियर एनटीआरकै आवाज सुन्न पाइने भएको छ । निर्देशक एसएस राजमौली भन्छन्, “हिन्दी भाषाका दर्शकका लागि यो एउटा ट्रिट हो । किनभने, पहिलोपटक उनीहरूले आफ्नै आवाजमा डब गराएका छन् । उनीहरूले सही शब्दावली उच्चारणका लागि धेरै हदसम्म प्रयास गरेका छन् ।”
उनका अनुसार रामचरण र जुनियर एनटीआर दुवैलाई सेट र घरमा पनि हिन्दी सिकाउने गुरुको व्यवस्था गरिएको थियो । चलचित्र तेलुगु, हिन्दी, कन्नाडालगायत थुप्रै भाषामा रिलिज हुँदै छ । चलचित्रमा तेलुगुसहित बलिउड स्टारहरू अजय देवगन र आलिया भट्टको पनि मुख्य भूमिका छ ।
भारतमा बढ्दो कोरोना संक्रमणका कारण चलचित्रको रिलिज मिति अनिश्चितकालका लागि स्थगित गरिएको छ ।
