प्रमुख टेलिकम सेवा प्रदायक भीआईले महाकुम्भमा भीआई नम्बर रक्षक अभियान आरम्भ गरेको छ जसको उद्देश्य छुट्टिएका तीर्थ यात्रीहरूको पुनर्मिलनमा सहयोग गर्नु हो। यस अभियानअन्तर्गत आपतकालीन सम्पर्क नम्बर अङ्कित रुद्राक्ष र तुलसीको ब्रेसलेट उपलब्ध गराइन्छ जसले धार्मिक भेलामा बारम्बार देखिने यस समस्याको सरल तर प्रभावकारी समाधान प्रदान गर्दछ।
प्रत्येक कुम्भ मेलामा हजारौँ मानिसहरू हराउने गर्छन्। सन् 2013 मा 70000 भन्दा अधिक मानिसहरू हराएका घटना रिपोर्ट गरिएको थियो भने यस वर्षको पहिलो केही घण्टाभित्र नै 250 मानिसहरू हराएका घटना दर्ता भएको छ। त्रिवेणी सङ्गममा शाही स्नानका लागि लाखौँ भक्तजन भेला हुने अपेक्षा गरिएकाले भीआईले स्वामी रामानन्द आचार्य शिविर अखड़ानजिकै एक विशेष स्टल स्थापना गरेको छ जहाँ यी ब्रेसलेटहरू वितरण गरिन्छ। विशेष गरी वृद्ध तीर्थ यात्रीहरू र बालक-बालिकाहरूलाई यसले ठूलो लाभ पुग्नेछ।
भीआईले आफ्नो नेटवर्क पूर्वाधारलाई अझ सुदृढ़ बनाउन 30 नयाँ साइटहरू, 40 थप म्याक्रो र स्मल सेल साइटहरू अनि 32 किलोमिटर फाइबर विस्तार गरेको छ जसले कनेक्टिभिटीमा सुधार ल्याउनेछ। भीआईका चिफ मार्केटिङ अफिसर अवनीश खोसलाले भने, हामी नम्बर रक्षक जस्तो नवीन समाधानमार्फत तीर्थ यात्रीहरूलाई निर्बाध कनेक्टिभिटीसितै सुरक्षा प्रदान सुनिश्चित गर्न प्रतिबद्ध छौँ। शिलङका टेलिकम खुद्रा विक्रेताहरूले कुम्भ मेलामा गएका तीर्थ यात्रीहरूमाझ भीआईको नेटवर्क सेवाको माग बढ़ेको देखेका छन्। यस अभियानले उपभोक्ताको विश्वासलाई बलियो बनाएको छ जसको कारण यस भव्य धार्मिक समारोहमा अविच्छिन्न सञ्चार सुनिश्चित गर्न यात्रीहरूले भीआईको नेटवर्क रोजिरहेका छन्।
