अग्रणी टेलिकम अपरेटर भोडाफोन आइडिया (भीआई) को व्यावसायिक शाखा भीआई बिजिनिसले इजी+ नामक नवीन प्रस्ताव आरम्भ गरेको छ। यस प्रस्तावले कर्पोरेट पोस्टपेड योजनामा व्यक्तिगत आवश्यकताअनुसार सेवाहरू जस्तै अन्तर्राष्ट्रिय रोमिङ, ओटीटी सब्सक्रिप्शन अनि अन्य सुविधाहरू चयन गरेर खरीद गर्ने विकल्प प्रदान गर्दछ।
यो सेवा भीआई एप डाउनलोड गरेर प्रयोग गर्न सकिन्छ। पहिलोपटक ल्याइएको यस प्रस्तावले कर्पोरेट पोस्टपेड योजनामा सेवाहरू खरीद गर्ने प्रक्रियालाई सरल बनाउँदै कर्मचारीहरूलाई आफ्नो चयन अनुरूप सेवा छनौट र खरीद गर्न सहज बनाउँछ। यसले सबै ग्राहकहरूको अनुभवलाई अभिवृद्धि गर्नेछ। ईजी+ को लञ्चमाथि टिप्पणी गर्दै भीआई बिजिनेसका एक्जिक्युटिभ भाइस प्रेसिडेण्ट रोएरिक कौशलले भने, ईजी+ को लञ्चसितै भीआई बिजिनेस कर्पोरेट पोस्टपेड योजनाको अनुभवलाई परिवर्तन गर्न अग्रसर बनेको छ।
यसले कर्मचारीहरूलाई व्यक्तिगत आवश्यकताअनुसार सेवाहरू चयन र खरीद गर्ने लचिलोपन प्रदान गर्दछ। आगामी बिदाको समयमा हामी हाम्रा ग्राहकहरूले अन्तर्राष्ट्रिय रोमिङ प्याकहरूका लागि ईजी+ प्रयोग गरून् भन्ने चाहन्छौँ। कर्पोरेट पोस्टपेड योजनामा ल्याइएको सजिलोपन र यसले प्रदान गर्ने सुविधा ग्राहकहरूले उपभोग गर्ने आशा गर्दछौँ। भीआई बिजिनेसको ईजी+ ले उपलब्ध गराउने सुविधाहरू: अन्तर्राष्ट्रिय रोमिङ, ओटीटी सबस्क्रिप्शन, उपहार दिने सुविधा।
