कोलकाता प्रहरीको विशेष टास्क फोर्सले शुक्रबार पश्चिम बंगालको हावडा जिल्लाबाट ISIS सँग सम्बन्ध रहेको आशंकामा २ जनालाई पक्राउ गरेको छ। हिरासतमा लिइएका दुईजना २८ वर्षका मोहम्मद सद्दाम र ३० वर्षका सइदको रूपमा पहिचान भएका छन्। आरोपितलाई माघ १९ गतेसम्म प्रहरी हिरासतमा राखिएको छ ।
उनीहरुलाई आतंकवादी गतिविधि गरेको आरोपमा पक्राउ गरिएको हो । उनीहरुको साथबाट हतियार, एक थान सिपियु, डेबिट कार्ड, पेन ड्राइभ, मोबाइल फोन, नोटबुक, डायरी, ल्यापटप, हार्ड ड्राइभ र मोटरसाइकल बरामद भएको छ ।
एसटीएफको टोलीले शुक्रबार राति पश्चिम बंगालको हावडामा छापा मारेर सैयदलाई आतंकवादी गतिविधिमा जानाजानी संलग्न भएको आरोपमा पक्राउ गरेको थियो। सदामले प्रहरीसमक्ष बयान दिएपछि सैयदलाई पक्राउ गरिएको हो ।
साथै, प्रहरीले ती दुई जना गोलाबारुद र विस्फोटक पदार्थ जम्मा गर्ने र आतङ्ककारी गतिविधिका लागि रकम जुटाउनमा संलग्न रहेको बताएको छ।
