कानपुरकी एक १४ वर्षीया बालिकालाई दुईजनाले सामूहिक बलात्कार गरेका छन् । नाबालिग बालिका घरबाहिर आफ्नो गाईवस्तुलाई खुवाउने क्रममा दुई जनाले समातेर अपहरण गरी बलात्कार गरेका थिए ।
प्रहरीका अनुसार कानपुरमा छुटकन र बडकन नामका दुई दाजुभाइले बालिकालाई बलात्कार गरेका थिए ।
बालिका घण्टौंसम्म हराएपछि पीडित परिवारले प्रहरीमा उजुरी दिएका थिए । सारा गाउँले बालिकालाई खोजे तर फेला परेन ।
बालिकालाई डोरीले बाँधेको र मुख कपडाले बाँधेर बेहोस अवस्थामा परेको आफन्तले जानकारी पाए ।
परिवारले प्रहरीलाई खबर गरेपछि घटनाको अनुसन्धानका लागि घटनास्थलमा टोली पठाइएको थियो । बालिकालाई स्वास्थ्य परीक्षणका लागि अस्पताल पठाइएको छ ।
प्रहरीले एक अभियुक्तलाई पक्राउ गरेको छ भने अर्का एक जना फरार छन् ।
कानपुर देहातका डेरापुर सर्कल अफिसर शिव ठाकुरले बालिकालाई बलात्कार गरेको जानकारी पाएलगत्तै मुद्दा दर्ता गरिएको बताए ।
थप अनुसन्धान जारी छ ।
