तुफानगंज नम्बर एक ब्लक तृणमूल कांग्रेस कमिटीले आज तुफानगंजको मारुगञ्ज क्षेत्रमा ‘चोर धरो-जेल भरो’ कार्यक्रम आयोजना गरेको छ। यस अवसरमा आज मारुगञ्ज क्षेत्रमा तृणमूल कांग्रेसले जुलुस निकालेको थियो।
उल्लेखनीय छ, अलिपुरद्वारको सुनको पसलमा भएको चोरीको मामिलामा अलीपुरद्वार अदालतले केन्द्रीय गृह राज्यमन्त्री निशित प्रामानिक विरुद्ध पक्राउ वारेन्ट जारी गरेको छ। सत्तारुढ तृणमूल कांग्रेसले यसलाई मुद्दा बनाएर आन्दोलनलाई तीव्र बनाएको छ। यसैबीच तृणमूलले केन्द्रीय मन्त्री निशित प्रामाणिकलाई पक्राउ गर्न माग गर्दै र्याली र सडक सभा आयोजना गरिरहेको छ। निशित प्रामानिकलाई पक्राउ गर्न माग गर्दै विभिन्न ठाउँमा पोस्टर पनि लगाइएको छ।
